பீட்ரூட் தொக்கு

by முழுமுதலோன் Thu Dec 05, 2013 12:43 pm

பீட்ரூட் தொக்கு : ---------------------

தேவையான பொருட்கள் : -

1. மீடியம் சைஸ் பீட்ரூட் : ஒன்று (1)

2. புளி : நெல்லிக்காய் அளவு

3. வரமிளகாய் பொடி : ஒரு டேபிள் ஸ்பூன்

4.மஞ்சள் பொடி : ஒரு சிட்டிகை

5. கட்டிப்பெருங்காயம் : ஒரு சிறிய கட்டி

6.கோல்ட் வின்னர் எண்ணெய் : ஒரு குழி கரண்டி

7.கல் உப்பு : தேவையான அளவு

தாளிக்க :--------------

1. கடுகு : ஒரு டீஸ்பூன்

2. உளுத்தம் பருப்பு : ஒரு டீஸ்பூன்

3. கறிவேப்பில்லை : பத்து இலைகள்

செய்முறை :-

(1) முதலில் பீட்ருட்டை அலம்பி விட்டு தோல்சீவிக் கொள்ளவும். பின்னர், நன்றாக துருவிக்கொள்ளவும்..

(2) அடுப்பில் கடாய் வைத்து , ஒரு சிறிய ஸ்பூன் எண்ணெய் விட்டு, பெருங்காயத்தை பொரித்துக் கொள்ளவும். பின்னர், புளியை ஒரு அரை செகண்டு வதக்கி எடுத்துக்கொள்ளவும்..அதை அடுத்து பீட்ருட்டை பச்சை வாசனை போக கல்உப்பு சேர்த்து வதக்கவும்..

(3) நன்கு ஆறியவுடன், மிக்ஸியில் நைசாக மூன்றையும், அரைக்கவும்.தேவை என்றால் கால் டம்ளர் தண்ணீற் சேர்த்துக்கொள்ளலாம்.

(4) மறுபடியும் ஒரு கடாயில் எண்ணெய் விட்டு, சூடானதும்,கடுகு,உ.பருப்பு,கறிவேப்பில்லை போட்டு தாளித்தவுடன், பீட்ரூட் அரைத்ததையும் போட்டு நன்கு வதக்கவும். அதனுடன் மஞ்சள்பொடி,வரமிளகாய் பொடி சேர்க்கவும். அடுப்பை சிம்மில் வைக்கவும்..எல்லாம் ஒருசேர கலந்து, கடைசியில் எண்ணெய் பிரிந்து வரும்.. இப்பொழுது அட்டகாசமான உப்பு,புளிப்பு,திதிப்பு காரத்துடன் கூடிய பீட்ரூட் தொக்கு ரெடி..

முக்கியக்குறிப்பு : -

(1) பீட்ருட்டை துருவிதான் வதக்கணும்..க்யூப்பாக கட் பண்ணி வதக்கினால் பச்சை வாசனை போகவே போகாது.

(2) வர மிளகாய் பொடி சக்தி மசாலா பொடி நல்ல காரமாகவும்,கலரும் கொடுக்கும்..எனவே என் சாய்ஸ் சக்திவரமிளகாய் பொடி..

(3) இந்த தொக்கு, ஒருவாரம் வரை ப்ரிஜ்ஜில் வைக்கலாம். மெம்பருக்கு ஏற்ப இரண்டு பீட்ரூட் சேர்க்கலாம்..

(4) சப்பாத்தி,பூரி,இட்லி,தோசைக்கு தொட்டுக்கொள்ளலாம். சாத்தில் நல்லெண்ண்ய் விட்டு பிசைந்தும் சாப்பிடலாம்..

பீட்ரூட் தொக்கு 1395231_500815450016942_120035210_n

https://www.facebook.com/CamaiyalKurippukal?ref=ts&fref=ts