ஏர் இந்தியா ட்ரீம் லைனர் போயிங் 787

திரிசூலம்: டில்லியில் இருந்து, சென்னைக்கு முதன்முறையாக வந்த,
"ஏர்-இந்தியா'வின், "ட்ரீம் லைனர் போயிங் 787' விமானத்திற்கு, சென்னை விமான
நிலையத்தில், நீர் பீய்ச்சி அடித்து உற்சாக வரவேற்பு அளிக்கப்பட்டது.

அமெரிக்காவின் போயிங் நிறுவனத்தில் இருந்து, "ஏர்-இந்தியா' புதிதாக
வாங்கியுள்ள, "ட்ரீம் லைனர் 787' என்ற, அதிநவீன பயணிகள் சொகுசு விமானம்,
146 பயணிகளுடன், நேற்று காலை, 9:35 மணிக்கு, டில்லியில் இருந்து சென்னை
வந்தது. சென்னை விமான நிலையத்தில், அந்த விமானம் ஓடுபாதையில் நின்றதும்,
இருபுறமும் நீர் பீய்ச்சி அடித்து, உற்சாக வரவேற்பு அளிக்கப்பட்டது.
விமானத்தில் வந்த பயணிகள் அனைவரும், ரோஜாப்பூ கொடுத்து வரவேற்கப்பட்டனர்.
பயணிகள் கூறுகையில், ""சொகுசு விமானம், நாங்கள் எதிர்பார்த்ததை விட
சிறப்பாக இருந்தது. விமானம் தரையிறங்கும் போது எந்த அதிர்வும் தெரியவில்லை.
இருக்கைகள் அற்புதமாக வடிவமைக்கப்பட்டுள்ளன. ஒலி அமைப்புகள் சிறப்பாக
இருந்தன,'' என்றனர். "ஏர்-இந்தியா' அதிகாரிகள் கூறுகையில், ""மறு அறிவிப்பு
வரும் வரை, தினமும் காலை, 9:45 மணிக்கு, இந்த விமானம் டில்லியில் இருந்து
சென்னை வரும். சென்னையில் இருந்து, 10:50 மணிக்கு டில்லி புறப்பட்டுச்
செல்லும்,'' என்றனர். இந்த அதிநவீன போயிங் விமானம், மொத்தம், 256
இருக்கைகள் கொண்டது. இதில், 18 இருக்கைகள் முதல் வகுப்பிற்கு
ஒதுக்கப்பட்டுள்ளன. மீதமுள்ள, 238 இருக்கைகள், சாதாரணக் கட்டண பிரிவிற்கு
ஒதுக்கப்பட்டுள்ளன.

இணையம்

அப்படியே டில்லிக்கு ஒரு டிக்கெட் போட்டுட வேண்டியதுதானே செல்லம்

என்னமோ 2ம் ஆட்டத்துக்கு எனக்கு ஒரு டிக்கெட் எடுத்துடுன்னு சொல்ற மாதிரி சொல்றீங்க அட போங்க அண்ணா டில்லிக்கு கூட்டிட்டு போறேன்னு சொன்னாங்க ஆனா நாந்தான் வரலைன்னு சொல்லிட்டேன்