கடலூர்: வெள்ளப்பாதிப்பைத் தடுக்க ரூ.300 கோடியில் திட்டம்

கடலூர் மாவட்டத்தில் ஓடும் ஆறுகளால் ஏற்படும் வெள்ளப்பாதிப்பைத் தடுக்க உருவாக்கபபட்டு இருக்கும் திட்டத்துக்கு ரூ.300 கோடி ஒதுக்கப்பட்டு இருப்பதாக மக்களவை உறுப்பினர் கே.எஸ்.அழகிரி தெரிவித்தார்.​

÷கடலூரில் வெள்ளிக்கிழமை நடந்த ரயில்வே சுரங்கப்பாதைத் திட்டஆலோசனைக் கூட்டத்தில் பேசுகையில் கே.எஸ்.அழகிரி தெரிவித்தது:கடலூர் மாவட்டம் வழியாக 6ஆறுகள் ஓடுகின்றன.​ ஆண்டுதோறும் ஏற்படும் வெள்ளப் பெருக்கால்,பாதிப்புகள் ஏற்படுகின்றன.​

÷வெள்ளப்பாதிப்புகளை தடுக்க ரூ.300 கோடியில் திட்டம் தயாரிக்கப்பட்டு உள்ளது.இத்​திட்டத்துக்கு பிரதமர் மன்மோகன்சிங் சிறப்பு அனுமதி வழங்கி இருக்கிறார்.​

÷மத்திய நீர்வள ஆதார அமைச்சகம் ஒப்புதல் அளித்து இருக்கிறது.மத்திய திட்டக் குழுவும் அனுமதி வழங்கிஇருக்கிறது.நிதித்துறை (செலவினங்கள்)செயலரின் அனுமதிக்காக காத்திருக்கிறது.​

÷நீர்வள ஆதார அமைச்சகத்தில் இத்திட்டம் பற்றிய ஆலோசனைக் கூட்டம் 25-ம் தேதி ​ நடக்கிறது.இக்​கூட்டத்தில் நான் கலந்து கொள்ள இருக்கிறேன் என்றார் அழகிரி.​

வாழத்தகுதியற்ற நகரம் கடலூர் கூட்டம் முடிந்த பின் செய்தியாளர்களிடம் கே.எஸ்.அழகிரி கூறியது:கடலூர் சிப்காட் தொழிற்சாலைகளால் ஏற்படும் மாசு பெருமளவுக்கு அதிகரித்து விட்டது.​

÷மத்திய சுற்றுச்​சூழல் அமைச்சகம் வெளியிட்டு இருக்கும்,​இந்தியாவில் வாழத்தகுதியற்ற நகரங்களின் பட்டியலில்,கடலூர் இடம்பெற்று உள்ளது வேதனை அளிக்கும் விஷயம்.​

÷தொழிற்சாலைகளை கொஞ்சமும் மாசு ஏற்படுத்தாமல் நடத்த முடியும்.அதற்கு ஆகும் சொற்பத் தொகையை செலவிட ஆலை நிர்வாகங்கள் தயாராகஇல்லை.மக்களுக்கும் இதுபற்றி விழிப்புணர்வு இல்லை.​

÷கடலூர் வாழத்தகுதியற்ற நகரமாக மாறக்காரணம்,​தொழிற்சாலைகளைக் கண்காணிக்க வேண்டியவர்கள், தங்கள் பணிகளை ஒழுங்காக செய்யாததுதான்.​

÷மாசுப்படுத்தும் தொழிற்சாலைகளுக்குஎதிராக,பொதுநல அமைப்புகள் சிறப்பாக போராட்டங்களை நடத்தி வருகின்றன.அவர்களின் போராட்டங்களுக்கு என்னையும் அழைக்கிறார்கள்.​

÷அவ்வாறு நான் சென்றால் அரசுக்கும் தொழிற்சாலைகளுக்கும் இடையே உள்ள நல்லுறவு பாதிக்கப்படும் என்பதால் நான் செல்லவிரும்பவில்லை.எனவே மாவட்ட ஆட்சியர் ஒவ்வொரு தொழிற்சாலையாக நேரில் சென்று பார்வையிட வேண்டும். தொழிற்சங்கப் பிரதிநிதிகளையும் உடன் அழைத்துசசெல்ல வேண்டும்.÷தொழிற்சாலைகள் அனுமதிக்கப்பட்ட விதிகளின்படிதான் இயக்கப்படுகின்றனவா என்று ஆய்வு செய்ய வேண்டும்.​

÷விதிகளுக்கு மாறாக இயக்கப்படும் ரசாயன தொழிற்சாலைகள் மீது,மாவட்ட ஆட்சியர் கடும்நடவடிக்கை எடுக்க வேண்டும் என்றார் கே.எஸ்.அழகிரி.

:002: வேதனையான செய்தி