தமிழகம்தனியார் பால் விலை லிட்டருக்கு ரூ.2 உயர்வு

சென்னை, மே 28: தனியார் நிறுவனங்களின் பால் விலை லிட்டருக்கு ரூ.2 உயர்ந்துள்ளது.

200 மி.லி தயிர் பாக்கெட்டும் ரூ.1 அதிகரித்து ரூ.8-க்கு விற்பனை செய்யப்படுகிறது. இந்த விலை உயர்வு கடந்த சில நாள்களுக்கு முன்பு அமலுக்கு வந்துள்ளதாகத் தெரிகிறது.

பால் கொள்முதல் விலை உயர்வின் காரணமாக தனியார் நிறுவனங்களின் பால் விலை உயர்ந்துள்ளதாக டீலர்கள் தெரிவிக்கின்றனர். இந்த அறிவிப்பு சுற்றறிக்கை மூலம் அந்தந்தப் பகுதி கடைகளுக்கும், விற்பனையாளர்களுக்கும் தெரிவிக்கப்பட்டுள்ளது.

தனியார் நிறுவனத்தின் பால் அரை லிட்டருக்கு ரூ.1 அதிகரித்துள்ளது.

பால் பாக்கெட்டுகள் மூன்று வகையாகப் பிரித்து விற்கப்படுகின்றன. அதன்படி 250 மி.லி. பால் ரூ.6, அரை லிட்டர் பால் ரூ.12 (பச்சை நிற பாக்கெட்), ரூ.14 (நீல நிற பாக்கெட்), ரூ.16 (ஆரஞ்சு நிற பாக்கெட்) எனப் பிரித்து விற்பனை செய்யப்பட்டது.

÷200 மி.லி. தயிர் பாக்கெட் ரூ.7-க்கு விற்பனை செய்யப்பட்டு வந்தது.

இதில் ரூ.14 மற்றும் ரூ.16-க்கு விற்கப்பட்ட பாக்கெட்டுகளின் விலை உயர்ந்துள்ளது.

கடைக்காரர்களின் கமிஷன்: கடைக்காரர்களுக்கு வழங்கப்படும் கமிஷன் பல ஆண்டுகளாக உயர்த்தப்படாமல் இருக்கிறது என விற்பனையாளர்கள் புகார் தெரிவிக்கின்றனர்.

இது குறித்து அம்பத்தூர் சோழம்பேடு பகுதியைச் சேர்ந்த மளிகைக் கடை வியாபாரி முருகன் கூறியதாவது:

÷தனியார் பால் அரை லிட்டர் ரூ.5-க்கு விற்பனை செய்தபோது எங்களுக்கு ஒரு லிட்டருக்கு 25 பைசா கமிஷன் தரப்பட்டது. இன்று அரை லிட்டர் பாலின் விலை ரூ.12, ரூ.15, ரூ.17 உயர்த்தப்பட்டபோதும் எங்களுக்கு லிட்டருக்கு 25 பைசா மட்டுமே கமிஷன் வழங்கப்படுகிறது.

பால் விலையை உயர்த்திக் கொண்டே போனாலும் எங்களுக்கான கமிஷன் உயரவே இல்லை.

மேலும் எங்களிடம் பால் பாக்கெட்டுகளை பெற்றுச் செல்லும் வாடிக்கையாளர்கள், பாலை கொண்டு செல்வதற்காக ஒரு பாலிதீன் பையையும் கூடவே கேட்டு வாங்கிக் செல்கின்றனர். ஒரு பையின் விலை 25 பைசா என்றார் அவர்.

மேலும் பால் பாக்கெட்டுகளை காலையில் டீலரிடம் இருந்து பெறும்போதே, அதில் ஏதாவது சேதம் உள்ளதா என்று பார்க்க வேண்டும். காலையில் அவசரத்தில் பால் பாக்கெட்டின் சேதம் குறித்து ஆராய்ந்து கொண்டிருக்க முடியாது. இதனால் கடைக்காரர்களுக்குத்தான் நஷ்டம் ஏற்படுகிறது என விற்பனையாளர்கள் புகார் தெரிவிக்கின்றனர்

தனியார் பால் விலையை அதிகப்படுத்தியது சரி
அனால் பால் உற்பத்தியாளர்களுக்கு பாலின் விலையை உயர்த்தவில்லையே ஏன் என்ன கொடுமைசார் இது