நம்ம வைகைப் புயலோட டவுசர் காலத்துக்குப் போய் ஒரு விசிட்..

நம்ம வைகைப் புயலோட டவுசர் காலத்துக்குப் போய் ஒரு விசிட்...


வாத்தியார் வகுப்புக்கு வந்தாலே, 'வந்துட்டான்யா வந்துட்டான்’ என்றும் கிளம்பும்போது, 'கௌம்பிட்டான்யா கௌம்பிட்டான்’ என்றும் சொல்லிப் பசங்க வயிற்றைப் புண்ணாக்கி இருப்பார்.

அஞ்சாப்பு வரை ஒரே ரைம்ஸ்தான் பாடியிருப்பார். 'சிங் இன் தி ரெய்ன்... ஐ ஆம் சொய்ங் இன் தி ரெய்ன்’ என்பதுதான் அது.

இன்ஸ்பெக்ஷன் வரும் கல்வி அதிகாரி என்ன கேள்வி கேட்டாலும் ஃப்ரீஸாகி நின்றிருப்பார். அடிச்சுக் கேட்டால் மட்டும், 'அப்டியே ஷாக் ஆயிட்டேன்’ என விளக்கம் கொடுத்திருப்பார்.

எப்போதும் வேட்டியைத் தார்ப்பாய்ச்சி, மடித்துக் கட்டி அதன் மீது டவுசரைப் போட்டுப் பாதுகாப்பாய் வகுப்புக்குச் செல்வதுதான் வடிவேலு ஸ்டைல்.

ஒருவேளை வாத்தியார் அடித்தால், 'வேணாம்... வேணாம்...வலிக்குது... அழுதிருவேன்’ என ஃபீலிங் காட்டி அடியில் இருந்து தப்பித்து இருப்பார்.

தக்காளிச் சட்னியும் வடையும் அப்போதே அண்ணனுக்கு அலர்ஜி. பலமுறை வடையை நசுக்கிக் கீழே போட்டு, 'வட போச்சே’ எனச் சொல்லியிருப்பார்.

'அசோகர் சாலை ஓரங்களில் மரங்கள் நட்டார்’ எனப் பாடம் நடத்தினால், 'என்ன மரங்கள் நட்டார்?’ என்று கேள்வி மேல் கேள்வி கேட்டுக் கிறங்கவிட்டிருப்பார்.

குச்சி மிட்டாய், குருவி ரொட்டின்னா அம்புட்டு இஷ்டம் குட்டிப் புயலுக்கு. ஆனாலும் டவுசர் பாக்கெட்டுக்குள் ஊறவைத்த அரிசியைக் கொண்டுபோய் க்ளாஸ் ரூமில், 'கஜக்கு முக்கு கஜக்கு முக்கு’ என சவுண்டு கொடுக்காமல் தின்றிருப்பார்.

எப்போதும் குண்டக்க மண்டக்க பேசினால் குட்டிப் புயலுக்குப் பிடிக்காது. அம்புட்டு ஏன்... பார்த்திபன் என்ற பெயரே அலர்ஜி.

அடிக்கடி திருவள்ளுவரா, கம்பரா என கன்ஃபியூஸ் ஆவார். 'நான் சொல்றது ரெண்டாம் வாய்ப்பாடா, மூணாம் வாய்ப்பாடா?’ எனக் கேட்டு, கணக்கு டீச்சரிடம் குட்டு வாங்கியிருப்பார்.

பர்கர், ஸ்பிரிங் ரோல், டக்கீலோ, சிக்கான் கொக்கா, கபாலா போன்ற ஐட்டங்கள்தான் இவருடைய ஃபேவரைட் உணவாக இருந்திருக்கும். ஆனால் அதைவிட முறுகலா நெய் விளாவிய பொன்னிற ஆனியன் ஊத்தப்பம் என்றால் கொள்ளை இஷ்டம்.

வகுப்பில் சக மாணவர்கள் யாராவது அடித்தாலோ, திட்டினாலோ திருப்பி அடிக்க மாட்டார். 'அவ்வ்வ்வ்வ்வ்வ்வ்வ்வ்வ்வ்வ்வ்.....’ என்று சவுண்டாய் அழுதிருப்பார்!

- ஆர்.சரண்

நன்றி -http://cinema.vikatan.com/articles/news/14/3586