அன்னை தெரசா நினைவாக நாணயம்: மத்திய அரசு வெளியிடுகிறது

அன்னை தெரசாவின் நூற்றாண்டு தினமான ஆகஸ்‌ட் 6ஆ‌ம்தேதி அவரது உருவம் பொறித்த நாணயம் வெளியிடப்படுகிறது.

மறைந்த சமூக சேவகி அன்னை தெரசா நினைவாக நாணயம் வெளியிட வேண்டும் என்று அன்னை தெரசா அறக்கட்டளை சார்பில் மத்திய அரசுக்கு கோரிக்கை விடுக்கப்பட்டது.

மத்திய அரசு அந்த கோரிக்கையை ஏற்று அன்னை தெரசாவின் நூற்றாண்டு தினமான ஆகஸ்‌ட் 26ஆ‌ம் தேதி அவரது உருவம் பொறித்த நாணயத்தை வெளியிட ஒப்புதல் அளித்துள்ளது.

நூற்றாண்டு தொடக்கவிழாவும், நாணய வெளியீட்டு விழாவும் கொல்கத்தாவில் நடைபெறும். மேலும், அன்னை தெரசா அறக்கட்டளை சார்பில் மத்திய-மாநில அரசுகளுக்கு பல்வேறு கோரிக்கைகள் வைக்கப்பட்டுள்ளன.

ஒவ்வொரு மாநில தலைநகரிலும் அன்னை தெரசா உருவச்சிலை அமைக்க வேண்டும் எ‌ன்று‌ம் மணிமண்டபம், மாநிலத்தில் ஒரு நகருக்கு அல்லது முக்கிய வீதிக்கு தெரசா பெயர் சூட்ட வேண்டும் எ‌ன்று‌ம் கோ‌ரி‌க்க‌ை‌ வை‌க்க‌ப்‌ப‌ட்டு‌ள்ளது.

மேலு‌ம் அவரது வாழ்க்கை வரலாற்றை பாடப்புத்தகத்தில் சேர்க்க வேண்டும் எ‌ன்று‌ம் அவரது நூற்றாண்டுவிழாவை ஆண்டு முழுவதும் கொண்டாட வேண்டும் எ‌ன்று‌ம் கே‌ட்டு‌க் கொ‌ள்ள‌ப்ப‌ட்டு‌ள்ளது.

இந்த கோரிக்கைகளை பெரும்பாலான மாநில அரசுகள் ஏற்றுக்கொண்டு அவற்றை செயல்படுத்துவதற்கான ஏற்பாடுகளை செய்து வருவதாக அன்னை தெரசா அறக்கட்டளை நிறுவனர் ஜி.கே.தாஸ் தெரிவித்துள்ளார்

அருமையான தகவல் நன்றி தமிழ்