ஸ்ரீராம் என்னும் நாமம் வலிமையானது

by முழுமுதலோன் Sun May 18, 2014 10:35 am

ராம் ராம் ..!!
நாமமே அதிக சிறப்புடையது..!!

கடவுள் பெருமையைவிட கடவுளின் திருநாமப் பெருமை சிறப்புடையது என்பர்.

வைணவத்தில் திருமாலை `ஓம் நமோ நாராயணாய' என்னும் எட்டெழுத்து மந்திரத்தால் வழிபடுவர். சைவத்தில் `நமசிவாய' என்னும் ஐந்தெழுத்து மந்திரத்தால் வழிபடுவர்.

`நாராயணாய' என்பதில் இரண்டாம் எழுத்து `ரா'.
`நமசிவாய' என்பதில் இரண்டாம் எழுத்து `ம'.
இவை சேர்ந்து `ராம' என்றானது.
சைவம், வைணவத்தை இணைக்கும் திருநாமம் `ராம' என்பதே.

இவ்வாறாக ராம நாமத்தின் சிறப்பை உமையவளுக்கு விளக்கியுள்ளார் சிவபெருமான்.

ராம நாமத்தின் வலிமையை விளக்க ஒரு சம்பவத்தைச் சொல்வார்கள். சேது அணைகட்ட அனுமன் பெரிய பெரிய பாறைகளை குரங்குகளிடம் கொடுத்தனுப்பினான்.

அவை வரிசையாய் நின்று வாங்கி அவற்றைக் கடலில் போட்டன. அந்தப் பாறைகள் கடலில் மூழ்காமல் மிதந்தன! இதைப் பார்த்துக்கொண்டிருந்த ராமன், நாமும் இப்பணியில் பங்குபெறுவோமென்று ஒரு கல்லையெடுத்துக் கடலில் போட்டார். அது மூழ்கிவிட்டது. மறுபடி அதைவிட சிறிய கல்லைப் போட்டார். அதுவும் மூழ்கிவிட்டது.

வியப்படைந்த ராமன் அருகிலிருந்த ஜாம்ப வானிடம், ""நான் போடும் சிறுகல்கூட கடலில் மூழ்கிப்போகிறது. அனுமன் அனுப்பும் பெரும் பாறைகளும் மிதக்கின்றனவே! எப்படி?'' என்று கேட்டார்.

""பிரபு, அனுமன் கொடுத்தனுப்பும் ஒவ்வொரு கல்லின்மீதும் தங்களின் திரு நாமத்தை விரலால் எழுதிக் கொடுத்தனுப்புகிறான். அதனால் அவை மிதக்கின்றன. இதோ, இந்தக் கல்லில் தங்கள் திருநாமத்தை எழுதிப் போடுங்கள்'' என்று ஒரு கல்லை ராமனிடம் கொடுத்தான். ராமனும் அவ்வாறே செய்தார். என்ன ஆச்சரியம்! அந்தக் கல் மிதந்தது.

திருநாமத்தின் வலிமை அத்தகையது

muganool

by ஸ்ரீராம் Sun May 18, 2014 11:31 am

மிக அருமையான பதிவு அண்ணா
மிக்க நன்றி புன்முறுவல்

ஸ்ரீராம் என்னும் நாமம் வலிமையானது

ஸ்ரீராம் என்னும் நாமம் வலிமையானது

Re: ஸ்ரீராம் என்னும் நாமம் வலிமையானது