வானவில் தோணிகள்

by rammalar Sat May 24, 2014 1:39 pm

ஒரு
பாரதப் போர் முனைக்குப்
பார்த்தசாரதி வேண்டும்
பார்த்தனோ நிச்சயம் வேண்டும்
-
இங்கே -
பார்த்த சாரதிகள் உண்டு
பார்த்தனை மட்டும் காணோம்!
-
இங்கே -
ஆயுள் ரேகையே
அழிக்கப்படுகையில்
கை ரேகையைப் பார்த்துக்
களமிறங்கும் கர்ணன்கள்
துரியோதனன் மனைவியையும்
துகிலுரியப் பார்ப்பார்கள்!
-
சிகண்டியை நேசிக்கும்
சீரில்லாப் பீஷ்மர்கள்
காயகல்ப வயாகரா'க்களைக்
கடத்தல் செய்கிறார்கள்
-
வானவில்லைத் தோணியாக்கி
கானல் நீர் பாய்விரிக்கும்
மாயக் கண்ணன்களால்
பாரதப் பாஞ்சாலி
பாவம்!
நிர்வாணம் ஆகிப் போனாள்!
-
--------------------------
>கவிஞர் இ.முத்துராமலிங்கம்
தென்றல் தெரிவதில்லை - கவிதைகள்
-
.

_________________

by ஸ்ரீராம் Sat May 24, 2014 3:51 pm

கவிதைகள் அருமை.

வானவில் தோணிகள்

வானவில் தோணிகள்

Re: வானவில் தோணிகள்