கூகுளில் தேட...

கூகுளில் தேட...

எளிய முறைகள்.
குறிப்பிட்ட உங்கள் குறிச்சொற்களுக்கு ஏற்ற பி.டி.எப். கோப்பை மட்டும் தேட நினைக்கிறீர்கள் என்றால், அந்தக் குறிச்சொல்லுடன் File Type: PDF என டைப் செய்தால் போதுமானது. அதாவது indian Election Result என்ற குறிச்சொல்லில் தேட நினைக்கிறீர்கள் என்றால் indian Election Result File Type: PDF என டைப் செய்தால் பி.டி.எப். கோப்புகளை மட்டும் தேடல் முடிவுகள் காட்டும். ps, doc, ppt, xls, rtf ஆகிய கோப்புகளையும் இதுபோலத் தேடிக் கண்டடையலாம்.
கூகுள் தேடுதலை ஏற்கனவே பார்த்த பக்கங்களை மறுபடியும் வருவதைத் தவிர்க்க கூகுள் பக்கத்தில் Show Search Tools என்பதை கிளிக் செய்ய வேண்டும். அதில் சில தெரிவுகள் ( Options ) இருக்கும். அதில் Not Yet Visited என்பதை கிளிக் செய்தால் போதும் ஏற்கனவே பார்த்த பக்கங்கள் நீக்கிப் புதிய தேடல் முடிவுகளை கூகுள் நமக்கு வழங்கும்.
கல்வி தொடர்பாக தேடலுக்கு Site: edu எனக் குறிச்சொல் இடலாம். இதனால் தேடுதல் சுலபமாகும். கல்வியிலேயே கணிதத் தேர்வு குறித்து தேடவேண்டியிருப்பின் site: edu maths exams என்ற சொற்களை போட்டுத் தேடினால் எளிதில் தீர்வு கிடைக்கும்.
நமக்குத் தேவையான தகவல்களை விரிவாகத் தேட நமக்குத் தெரிந்த இணைய தளத்தோடு தொடர்புடைய வேறு இணையதளங்களில் தகவல்களை தேட வேண்டுமெனில் related என்ற சொல்லுடன் நாமறிந்த இணையதள முகவரியைச் சேர்த்து டைப் செய்து தேடலாம். எடுத்துக்காட்டாக related [You must be registered and logged in to see this link.] என்று தேடினால் இந்து இணையதளத்தின் அனைத்துப் பக்கங்களையும் அது போக இந்து என்ற பெயரில் உள்ள இணையதளங்களையும் கூகுள் கொண்டுவந்து சேர்க்கும்.
-- வாழ்வு இனிது.
-- 'தி இந்து' நாளிதழ். சனி, மார்ச் 22,2014.
உலகில் பெரும்பாலான இணைய பயனர்கள் தேவையான தகவல்களை கூகிள் தளத்தின் மூலம் தேடிப்பெறுகின்றனர். விரைவாக தேடல் முடிவுகளைத் தருவதில் கூகிள் தளத்திற்கு நிகர் வேறெந்த தளமும் இல்லை.. இதானால் கூகிள் நிறுவனமே பல புதிய சாதனைகளைப் படைத்துக்கொண்டிருக்கிறது எனலாம். குறிப்பாக பல்வேறு பயனுள்ள தளங்களையும் வழங்கி செயல்படுத்தி வருவதை கூறலாம்.

சரி.. கூகிள் தேடல் தளத்தில் உங்களுக்குத் தேவையானதை தேடிப் பெற சிறந்த வழிமுறைகள் உள்ளன. சாதாரணமாக நீங்கள் உள்ளிடும் சொற்களில் ஒன்றிரண்டு தொடர்பில்லாத முடிவுகளும் கிடைக்கும். குறிப்பாக முதற் பக்கத்தில் நீங்கள் தேடிய விஷயங்கள் கிடைக்காமலேயே போகும் வாய்ப்புகள் சில சமயம் ஏற்படுவதுண்டு.
இனி, அவ்வாறு நிகழாமல் உங்களுக்குத் என்ன தேவையோ, எது குறித்தான தகவல்கள் தேவையோ அவற்றை மட்டும் தேடிப்பெற முடியும். அதற்குரிய வழிமுறைகளைக் கீழே காண்போம்.

'+' குறியீடு:
தேடல் பெட்டியில் நாம் உள்ளிட்ட சொற்றொடரில் குறிப்பிட்ட வார்த்தைக்கு முன்பாக '+' சேர்த்து தேடும்பொழுது தேடல் முடிவுகளில் நிச்சயமாக '+' குறியிடப்பட்ட வார்த்தைகள் இடம் பெற்றிருக்கும்.
உதாரணமாக Specifications of +Samsung Android smartphone

'-' குறியீடு:
மேலே குறிப்பிட்ட செயலுக்கு எதிர்பதமாக செயல்படும். அதாவது '-' குறியிடப்பட்ட வார்த்தை தேடல் முடிவுகளில் இடம்பெறாது.
உதாரணமாக Specifications of -Samsung Android smartphone



'~' குறியீடு:
கூகிள் தேடல் பெட்டியில் தேடுகின்ற சொல் அல்லது சொற்றொடரில் உள்ள வார்த்தைக்கு முன்பாக '~' சேர்த்து தேடும்பொழுது அச்சொல்லிற்கு இணையான (Synonym)சொற்களை தேடல் முடிவில் காட்டும்..

ஒரு குறிப்பிட்ட இணையதளத்தில் மட்டும் தேட:
உங்களுக்குத் தேவையான ஒரு குறிப்பிட்ட தளத்திலிருந்து மட்டும் தேடல் முடிவுகளைப் பெற கூகிள் தேடல் பெட்டியில் site:techbeen.com/android என உள்ளிட்டு தேடல் முடிவுகளைப் பெறலாம்.. இதில் Site என்ற வார்த்தையானது, அந்த குறிப்பிட்ட இணையதளத்தில் மட்டும் தேடும்படி கொடுக்கும் கட்டளையாகும்.

உதாரணமாக
site:techbeen.com/android
site:website url/search word
குறிப்பிட்ட சொல்லின் பொருளை தெரிந்துகொள்ள :
ஒரு குறிப்பிட்ட சொல்லின் பொருள் அறிய இந்த 'define' என்ற வார்த்தையைப் பயன்படுத்தலாம். அதாவது கூகிள் தேடல் பெட்டியில் define: HTC எனத் தேடினால் HTC என்றால் என்ன என்பதற்கான பொருள் கிடைக்கும்.
உதாரணமாக define:smartphone

"" குறியீடு:
இந்த இரட்டை மேற்கோள் குறிக்கு நடுவில் ஒரு வார்த்தை அல்லது சொற்றொடரை உள்ளட்டு கூகிள் தேடல் பெட்டியில் தேடும்பொழுது எந்த வார்த்தை அல்லது சொற்றொடர் அப்படியே இடம்பெற்ற தளங்கள் தேடல் முடிவுகளாக கிடைக்கும்.
உதாரணம்: "Smartphone specifications, reviews, news"
நன்றி -http://padugai.com/

தெரிந்து கொள்ள வேண்டிய பகிர்வு. நன்றி செந்தில்.

தேடலின் எளிமை...

அருமை அருமை
பயனுள்ள தகவலுக்கு நன்றி செந்தில்.