உலகிலேயே உயரமான ரெயில்வே பாலம் கட்டுகிறது இந்தியா; ஈபிள் டவரை விட 35 மீட்டர் உயரமானது

உலகிலேயே மிக உயரமான ரெயில்வே பாலத்தை அமைத்து வருகிறது இந்தியா. ஈபிள் டவரை விட 35 மீட்டர் உயரமான இந்த பாலத்தை கட்டி வருகின்றனர் இந்திய பொறியாளர்கள். ஆர்ச் வடிவிலான இந்த ரெயில்வே பாலம் இமயமலை பகுதியிலுள்ள செனாப் நதியிலிருந்த, நீண்ட மலைத்தொடரை கொண்ட ஜம்மு-காஷ்மீர் மாநிலத்தை இணைக்கும் வகையில் உருவாக்கப்பட்டு வருகிறது.

சுமார் 1,177 அடி (359 மீட்டர்கள்) உயரம் கொண்ட இந்த பாலம் வரும் 2016 ஆம் ஆண்டிற்குள் கட்டி முடிக்கப்படும். அதிநவீன தொழில்நுட்பத்தில் உருவாகி வரும் இந்த பாலம் வேகமான சூறைக்காற்றையும், இயற்கை பேரிடர்களையும் தாங்கக்கூடியவை.

கடந்த 2002-ஆம் ஆண்டே இந்த பாலத்தை கட்டும் பணிகள் துவங்கப்பட்ட போதிலும், பாதுகாப்பு காரணங்களுக்காக 2008 ஆம் ஆண்டு தடை செய்யப்பட்டது.

இந்த பாலத்தின் மூலம் ஜம்முவில் இருந்து பராமுல்லா பகுதிக்கு வெறும் அரை மணி நேரத்தில் சென்று விடலாம். தற்போது இந்த போக்குவரத்திற்கு 6 மணி நேரத்திற்கும் மேல் ஆகிறது. இந்த பாலத்தை கட்டுவதற்கு இந்திய ரெயில்வேயின் துணை நிறுவனமான கொங்கன் ரெயில்வே கழகம் 92 மில்லியன் அமெரிக்க டாலர்களை செலவழித்துள்ளது.

பாலத்தின் முக்கிய பகுதியான மெயின் ஆர்ச் இரண்டு கேபிள் கிரேன்களால் இணைக்கப்பட்டு வருகிறது.  1315 மீட்டர்கள் நீளமுள்ள இந்த பாலத்தின் பாதையை அமைக்க 25 ஆயிரம் டன்கள் இரும்பு மற்றும் எஃகுகள் தேவைப்படுகிறது. கட்டுமான பொருட்களை எடுத்துச் செல்ல முடியாத இடங்களில் ஹெலிகாப்டர் மூலமாக எடுத்துச் செல்கின்றனர்.

தற்போது, உலகின் உயரமான ரெயில்வே பாலமாக 275 மீட்டர் உயரமுள்ள சீனாவின் பெய்பாஞ்சிலாங் ஆற்றுப்பாலம் உள்ளது.


நன்றி: தினத்தந்தி

வலிமையா இருக்குமா?

என்ன ஆவுமுன்னுதான் தெரியலையே...

பாப்போம்

கொஞ்சம் பயமாத்தானிருக்கப்பா?