விபத்தில் சிக்கிய கார் ரூ.231 கோடிக்கு ஏலம் போன அதிசயம்

லாஸ் ஏஞ்சல்ஸ்: 1962ம் ஆண்டில் தயாரிக்கப்பட்ட ஃபெராரி ஜிடிஓ 250 கார் மாடல்தான் இன்றைக்கு உலக அளவில் விலைமதிப்பு மிக்க பொக்கிஷங்களாக விளங்குகின்றன. இந்த ஃபெராரி  ரக கார்கள் உலகின் அதிக விலைக்கு ஏலம் போன கார் என்ற பெருமையை தட்டிச் சென்றுள்ளது குறிப்பிடத்தக்கது. அமெரிக்காவின் கலிஃபோர்னியா நகரில் துவங்கியிருக்கும் பெபுள் பீச் ஆட்டோமொபைல் திருவிழாவில் இந்த ஃபெராரி ஜிடிஓ 250 கார் மாடல்தான் 38 மில்லியன் டாலர் ஏலத்திற்கு வாங்கப்பட்டுள்ளது என்பது குறிப்பிடத்தக்கது. போன்ஹாம்ஸ் என்ற பிரபல நிறுவனம் இந்த காரை ஏலத்தில் விட்டு சாதனை படைத்துள்ளது. கடந்த ஆண்டு குட்வுட் ஸ்பீடு திருவிழாவில் மெர்சிடிஸ் பென்ஸ் டபிள்யூ196ஆர் என்ற விண்டேஜ் காரை போன்ஹாம்ஸ் நிறுவனம் 29.65 மில்லியன் டாலர் மதிப்பில் ஏலம் விட்டிருந்தது. அந்த நிறுவனத்தின் அதிக ஏல மதிப்பு சாதனையை இந்த ஃபெராரி விண்டேஜ் கார் தட்டிச் சென்றுள்ளது. இந்த பழமையான கார்களுக்கு இருக்கும் வரவேற்பு மக்களை ஆச்சரியப்பட வைக்கிறது. கடந்த 1962 முதல் 1964ம் ஆண்டுகளுக்கு இடையில் 39 ஃபெராரி 250 ஜிடிஓ கார்கள் மட்டுமே தயாரிக்கப்பட்டன. லீ மான்ஸ் 24 ஹவர் ரேஸ் உள்ளிட்ட கார் பந்தயங்களுக்காக இந்த கார்களை ஃபெராரி தயாரித்திருந்தத குறிப்பிடத்தக்கது.

கடந்த ஆண்டு இதே ஃபெராரி ஜிடிஓ 250 மாடல் கார் 52 மில்லியன் டாலருக்கு ஏலம் போனதாக தகவல் வெளியாகியுள்ளது. இந்த நிலையில், தற்போது பெபுள் பீச் திருவிழாவில் ஏலம் போன ஃபெராரி ஜிடிஓ250 மாடல் கார்தான் தற்போதைக்கு உலகின் மிக விலையுயர்ந்த காராக குறிப்பிடப்படுகிறது. ஏலம் போன கார் இத்தாலியை சேர்ந்த ஃபெராரி கார் சேகரிப்பாளரும், ரேஸருமான ஃபேப்ரிஸோ வயோலடி என்பவரிடம் இருந்தது. கடந்த 1965ம் ஆண்டு இந்த காரை அவர் வாங்கினார். அதிக காலம் இந்த காரை வைத்திருந்த பெருமையும் அரையே சேரும். கடந்த 1962ல் பிரான்ஸில் நடந்த ரேஸ் ஒன்றில் பிரபல பனிச்சறுக்கு வீரரான ஹென்றி ஓரியல்லர் இந்த காரை ஓட்டியபோது விபத்துக்குள்ளாகி மரணமடைந்தார். பின்னர் இந்த கார் ஃபெராரி தொழிற்சாலையில் வைத்து மறுகட்டமைப்பு செய்யப்பட்டு பின்னர் ஏலத்தில் விலை உயர்ந கார் என் றபெருமையை தட்டிச் சென்றுள்ளது.

இந்த கார்களில் 300 எச்பி ஆற்றலை வெளிப்படுத்தும் 3.0 லிட்டர் வி12 எஞ்சின் பொருத்தப்பட்டுள்ளது. 5 ஸ்பீடு மேனுவல் டிரான்ஸ்மிஷன் கொண்ட, இந்த கார் மணிக்கு 280 கிமீ வேகம் வரை செல்லும் திறன் கொண்டது.இந்த கார்களுக்கு கண்ணை மூடிக் கொண்டு பல நூறு கோடிகளை கார் பிரியர்கள் கொட்டி கொடுத்து வாங்குவதால், இதனை கார்களின் மோனலிசா என்று ஆட்டோமொபைல் துறையினர் வர்ணிக்கின்றனர்.

நன்றி: தினகரன்

தகவலுக்கு நன்றி அண்ணா