ஆசிரியர் - மாணவன் நகைச்சுவைகள்

அந்த ஆசிரியை வகுப்பறையினுள் நுழையும் போது இரண்டு மாணவர்கள் காரசாரமாய் எதையோ விவாதித்தபடி இருந்தனர்.
ஆசிரியை: நீங்கள் இருவரும் ஏன் சண்டை போடுகிறீர்கள்?
மாணவன்: நாங்கள் இருவரும் பள்ளிக்கு வரும் வழியில் 1000 ரூபாய் கீழே கண்டெடுத்தோம்.
...
ஆசிரியை: சரி. அந்தப் பணத்தை என்ன செய்யப்போகிறீர்கள்?
மாணவன்: அந்தப் பணத்தை, எல்லாரும் நம்பும்படியான மிக அற்புதமாய் பொய் எவர் சொல்கிறாரோ அவருக்குத் தரலாம் என முடிவு செய்துள்ளோம்.
ஆசிரியை: உங்கள் இருவருக்கும் வெக்கமே இல்லையா? உங்கள் வயதில் நான் ”பொய்” என்றால் என்னவென்று கூட அறியாமல் இருந்தேன்.
மாணவர்கள் இருவரும் ஒருமனதாய், 1000 ரூபாயை அந்த ஆசிரியைக்கு தந்துவிட்டனர்.

புதிதாகக் கல்லூரியில் சேர்ந்த மாணவன் ஒருவன் விலங்கியல் தேர்விற்காக இரவு முழுவதும் கண் விழித்துப் படித்தான்.
மறுநாள் தேர்வு எழுதுவதற்காக வகுப்பு அறைக்குள் நுழைந்...தான். பேராசிரியரின் மேசையின் மேல் உடல் முழுவதும் போர்வையால் மூடிக் கட்டப்பட்டிருந்த பத்துப் பறவைகள் வைக்கப்பட்டு இருந்தன. அந்தப் பறவைகளின் கால்கள் மட்டுமே தெரிந்தன.
தேர்வு நன்றாக எழுத வேண்டும் என்ற எண்ணத்தில் முன் வரிசையில் அமர்ந்தான் அவன்.
பேராசிரியர் வகுப்பிற்கு வந்தார். மாணவர்களைப் பார்த்து, "நீங்கள் ஒவ்வொருவரும் மேசையின் அருகே வந்து பறவைகளின் கால்களைப் பார்க்க வேண்டும். அதைக் கொண்டே அவற்றின் பெயர், விலங்கியல் பெயர், பழக்க வழக்கங்கள், சிறப்பியல்புகள் எல்லாவற்றையும் எழுத வேண்டும். இதுதான் தேர்வு" என்றார்.
ஒவ்வொரு பறவையின் கால்களையும் உன்னிப்பாகப் பார்த்தான் அவன். அவனால் எந்தப் பறவையின் பெயரையும் கண்டுபிடிக்க முடியவில்லை.
இரவு கண் விழித்துப் படித்தது எல்லாம் வீணாயிற்றே என்று கோபம் கொண்டான் அவன்.
பேராசிரியரைப் பார்த்து, "இப்படியா தேர்வு வைப்பது? உங்களைப் போன்ற முட்டாளை நான் பார்த்ததே இல்லை" என்று கத்திவிட்டு வெளியே செல்லத் தொடங்கினான்.
அதிர்ச்சி அடைந்த அவர், அவனை மேலும் கீழும் பார்த்தார். வகுப்பில் நிறைய மாணவர்கள் இருந்ததால் அவன் பெயர் தெரியவில்லை. "உன் பெயர் என்ன?" என்று கேட்டார்.
"அப்படி வாருங்கள் வழிக்கு" என்ற அவன் தன் பேண்ட்டை கால் முட்டி வரை சுருட்டினான்.
தன் கால்களை அவரிடம் காட்டி, "இவற்றைப் பார்த்து என் பெயரைச் சொல்லுங்கள் பார்ப்போம்" என்றான்.

ஸ்கூல்ல ஒரு தடவ

டீச்சர்: "வருண் நீ பெரியவனான பின்னாடி என்னவாக ஆசைப்படறே?"

வருண்: "டீச்சர், நான் பெரிய பணக்காரனா ஆக ஆசைப்படறேன்.... 
ஒவ்வொரு பெரிய நகரத்திலும் என்னோட பிசினஸ் நடக்கணும். எல்லா மாநில தலைநகரிலும் சொந்தமா... விலையுயர்ந்த பங்களா வாங்கணும்... எங்க போனாலும்... பிளைட்ல தான் போகணும்.... தங்கறதேல்லாம் 5 ஸ்டார் ஹோட்டல்ல தங்கணும்.... 

எனக்கு சேவகம் செய்ய எப்போதும் பத்து வேலையாட்கள் கூடவே இருக்கணும்.... உலகத்துலயே விலைமதிப்பில்லாத வைரக்கல்லு என்கிட்டே இருக்கணும்.

டீச்சர்: "போதும் வருண்! ஸ்டூடண்ட்ஸ், இனிமே யாரும் இவ்ளோ நீளமா... சொல்லக்கூடாது. சுருக்கமா ஒரு வரிலதான் சொல்லணும்... 
ஓகே...

பூமிகா, நீ சொல்லு.... நீ என்னவா... ஆகணும்னு ஆசைப்படறே!?

பூமிகா: "வருணுக்கு பொண்டாட்டியாக!!!"