மேத்தி கச்சோரி

என்னென்ன தேவை?

மேல் மாவுக்கு...

மைதா - 2 கப்,
எண்ணெய் - 1/2 கப்,
உப்பு - தேவைக்கு.

பூரணத்துக்கு...

பொட்டுக்கடலை மாவு - 1/2 கப்,
கசூரி மேத்தி - 2 டேபிள்ஸ்பூன்,
சீரகம் - 1/2 டீஸ்பூன்,
பெருங்காயத் தூள் - சிறிது,
கறுப்பு சீரகம், கரம் மசாலா, ஓமம் - தலா 1/4 டீஸ்பூன்,
மிளகாய் தூள் - 1 டீஸ்பூன்,
மாங்காய் தூள், மல்லித் தூள் - தலா 1/4 டீஸ்பூன்,
மசாலா வதக்க எண்ணெய் - 2 டீஸ்பூன்,
சுக்கு - ஒரு சிட்டிகை,
உப்பு - தேவைக்கு.
எப்படிச் செய்வது?  

மேல் மாவுக்குக் கொடுத்ததை ஐஸ் தண்ணீர் சேர்த்து கெட்டியான பூரி மாவாகப் பிசையவும். பிறகு ஈரத்துணியில் 1/2 மணி நேரத்துக்கு மூடி வைக்கவும்.பூரணத்துக்குக் கொடுத்த எல்லா வற்றையும் 2 டேபிள்ஸ்பூன் எண்ணெ யில் வதக்கி பின் ஆறவிடவும்.இப்போது மேல் மாவில் இருந்து ஒரு எலுமிச்சைப்பழ அளவுக்கு எடுத்து சொப்பு மாதிரி மாவை செய்து 1 டேபிள்ஸ்பூன் பூரணத்தை அதனுள் வைத்து இழுத்து மூடவும். கெட்டியான சிறு பூரிகளாக தேய்க்கவும் (அரை இஞ்ச் கனத்துக்கு). எண்ணெயை காய வைத்து, மிதமான தீயில் பூரிகளை பொன்னிறமாக பொரித்து எடுத்து வடித்து ஆறியதும் டப்பாவில் போட்டு வைக்கவும். இது 2 நாட்கள் வரை இருக்கும். புதினா சட்னி, இனிப்பு-புளிப்பு சட்னியுடன் பரிமாறவும்.

- தினகரன்

அருமை