ஆவக்காய ஊறுகாய்

என்னென்ன தேவை?

மாங்காய் - 1 கிலோ,
கடுகு - 150 கிராம்,
காய்ந்த மிளகாய் - 250 கிராம்,
மஞ்சள் தூள் - 1/2 டீஸ்பூன்,
நல்லெண்ணெய் - 750 கிராம்,
உப்பு - 100 கிராம்,
வெந்தயம் - 50 கிராம்,
பூண்டு - 100 கிராம்.

எப்படிச் செய்வது?

மாங்காயை கழுவி, பெரிய சதுர துண்டுகளாக வெட்டிக் கொள்ளவும். கழுவிய மாங்காயை சுத்தமான துணியில் 8 மணி நேரம் காய விடவும். காய்ந்த மிளகாய், வெந்தயத்தை வறுத்துப் பொடித்துக் கொள்ளவும். 600 கிராம் நல்லெண்ணெய், உப்பு, கடுகு, மஞ்சள் தூள், காய்ந்த மிளகாய் தூள் சேர்த்து கலந்து கொள்ளவும். சுத்தமாகக் கடுகு, காய வைத்த, ஈரமில்லாத டப்பாவில் மாங்காய், பூண்டு, கலந்து வைத்த பொடிகளுடன் காற்று புகாமல் மூடி வைக்கவும். மீதமுள்ள 150 கிராம் நல்லெண்ணெயை 3 நாட்கள் கழித்து ஊற்றவும். 4,5 நாட்கள் ஊற வைத்து உபயோகிக்கவும்.

- தினகரன்