பெசரட்டு -அல்லம்  பச்சடி(பச்சைப் பயறு தோசை-இஞ்சி பச்சடி)

[You must be registered and logged in to see this image.]


என்னென்ன தேவை?

பச்சைப் பயறு - 500 கிராம்,
பெரிய வெங்காயம் - 4,
பச்சரிசி - 50 கிராம்,
பச்சை மிளகாய் - 4,
உப்பு, எண்ணெய் - தேவையான அளவு.

எப்படிச் செய்வது?

பச்சைப் பயறு, பச்சரிசி இரண்டையும் சேர்த்து 6 மணி நேரம் ஊற வைக்கவும். ஊறியதும் இரண்டையும் தோசை மாவு பதத்துக்கு பச்சை மிளகாய் சேர்த்து அரைத்து அதில் உப்பு சேர்த்துக் கொள்ளவும். தோசைக்கல்லில் எண்ணெய் ஊற்றி தோசைகளாக சுட்டெடுக்கவும். பொடியாக நறுக்கிய பெரிய வெங்காயத்தை மேலே தூவிப் பரிமாறவும்.
அல்லம் பச்சடி

என்னென்ன தேவை?

தோல் நீக்கிய இஞ்சி - 100 கிராம்,
உப்பு, எண்ணெய் - தேவையான அளவு,
காய்ந்த மிளகாய் - 8,
வெல்லம் - சிறிதளவு,
புளி - 15 கிராம்,

தாளிக்க...

கடுகு, உளுந்து,
கடலைப் பருப்பு - தேவையான அளவு.

எப்படிச் செய்வது?

இஞ்சி, காய்ந்த மிளகாய், புளி ஆகியவற்றை எண்ணெயில் பொன்னிறமாக வறுத்துக் கொள்ளவும். அதை இறக்கி, ஆறிய பிறகு வெல்லம், உப்பு
சேர்த்து நைசாக அரைத்து கொள்ளவும். தாளிக்க கொடுத்துள்ள பொருட்களை தாளித்து சேர்த்துப் பரிமாறவும்.

- தினகரன்

சுவையும் ஆரோக்கியமும் நிறைந்த உணவு.