மசாலா பராத்தா

என்னென்ன தேவை?

கோதுமை மாவு - 1 கப்,
சோயா மாவு - 1/4 கப்,
வேக வைத்து மசித்த உருளைக்கிழங்கு - 1/4 கப்,
லோ ஃபேட் தயிர் - 1/4 கப்,
உப்பு, தண்ணீர் - தேவைக்கேற்ப.

ஸ்டஃபிங் செய்ய...

பொடியாக நறுக்கிய பெரிய வெங்காயம் - 1 கப்,
சீரகத் தூள் - 1/2 டீஸ்பூன்,
ஆம்சூர் பவுடர் - 1/2 டீஸ்பூன்,
கொத்தமல்லித்தழை - 1/2 கப்,
சில்லி ஃபிளேக்ஸ் - 1/2 டேபிள்ஸ்பூன்,
உப்பு - தேவைக்கேற்ப,
எண்ணெய் - 1 டீஸ்பூன்.
எப்படிச் செய்வது?

கோதுமை மாவுடன், சோயா மாவு, உருளைக்கிழங்கு, தயிர், உப்பு சேர்த்து கெட்டியாகப் பிசையவும். அரைமணி நேரம் மூடி வைக்கவும். நான்ஸ்டிக் கடாயில் எண்ணெய் விட்டு வெங்காயம் சேர்த்து சிவக்க வதக்கவும். அத்துடன் சீரகத் தூள், ஆம்சூர் பவுடர், சில்லி ஃபிளேக்ஸ், கொத்தமல்லித்தழை, உப்புச் சேர்த்து வதக்கவும். எலுமிச்சை அளவு கோதுமை மாவில் இந்த ஸ்டஃபிங்கில் சிறிது வைத்து பராத்தாவாகத் திரட்டி, நான்ஸ்டிக் தவாவில் இருபுறமும் பொன்னிறமாகும் வரை சுட்டு எடுக்கவும். எல்லா பராத்தாக்களையும் இப்படியே சுட்டு எடுக்கவும். விரும்பினால் சோள மாவும் சேர்க்கலாம்.

முகநூல்

பதிவிற்கு நன்றி