புத்தம் புதுசு - புதினா பராத்தா

என்னென்ன தேவை?

கோதுமை மாவு - 1 கப்,
மிகப் பொடியாக நறுக்கிய புதினா,
கொத்த மல்லித்தழை - 1/2 கப்,
உப்பு - தேவைக்கேற்ப,
எண்ணெய் - 1 டீஸ்பூன்,
தண்ணீர் - தேவைக்கு,
கெட்டியான லோஃபேட் தயிர் - 1/2 கப்,
சாட் மசாலா - 1/2 டீஸ்பூன்,
உப்பு - தேவைக்கேற்ப.
எப்படிச் செய்வது?

கோதுமை மாவுடன் உப்பு, புதினா, கொத்தமல்லித்தழை, எண்ணெயும் சேர்த்து தண்ணீர் விட்டு கெட்டியாகப் பிசைந்து ஒரு ஈரத் துணி கொண்டு மூடி, அரை மணி நேரம் வைக்கவும். தயிரில் சாட் மசாலா, உப்புச் சேர்த்து கலந்து வைக்கவும். அரைமணி நேரம் கழித்து மாவை சப்பாத்தியாகத் திரட்டவும். திரட்டிய சப்பாத்தியில் தயிர்க் கலவையைப் பரத்தி, ஃபேன் போன்ற விசிறி மடிப்புகளாக மடித்து, உருட்டி வைக்கவும். இப்படி எல்லா சப்பாத்தி களையும் செய்து 10 நிமிடம் வைக்கவும். உருட்டிய சப்பாத்தியை தடிமனான பராத்தாக்களாகத் திரட்டி, நான்ஸ்டிக் தவாவில் காய வைத்து இருபுறமும் பொன்னிறமாக வேகும்படி சுட்டு எடுக்கவும். சூடாகப் பரிமாறவும். விரும்பினால் சிறிது வெந்தயக்கீரை சேர்த்துக் கொள்ளலாம்.

முகநூல்

பதிவிற்கு நன்றி