மிளகு இடியாப்பம்

தேவையான பொருள்கள்:

இடியாப்ப மாவு - 2 கப்
மிளகு தூள் - 1 ஸ்பூன்
கடுகு - 1 டீஸ்பூன்
கறிவேப்பிலை - சிறிதளவு
எண்ணெய் - 1 ஸ்பூன்
உளுத்தம் பருப்பு - 1 ஸ்பூன்
உப்பு - தேவையான அளவு
தண்ணீர் - தேவையான அளவு
கொத்தமல்லி இலை - சிறிதளவு

செய்முறை:

* கொத்தமல்லியை பொடியாக நறுக்கிக்கொள்ளவும்.

* 1 கப் தண்ணீரை நன்றாக கொதிக்க வைக்கவும்.

* இடியாப்ப மாவில் சிறிதளவு உப்பு போட்டு அதில் கொதிக்க வைத்த தண்ணீரை ஊற்றி மாவு பதத்திற்கு பிசையவும்.

* இடியாப்பம் குழலில் மாவை போட்டு இட்லி தட்டில் பிழியவும்.

* பிழிந்த இடியாப்பத்தை 8 நிமிடம் ஆவியில் வேக வைத்து எடுத்து ஆறவிடவும்.

* ஆறியபின் அதில் அரை ஸ்பூன் எண்ணெய் ஊற்றி பிசைந்து வைக்கவும். அப்போது ஒன்றுடன் ஒன்று ஒட்டாமல் உதிரியாக இருக்கும்.

* கடாயை அடுப்பில் வைத்து அரை ஸ்பூன் எண்ணெய் ஊற்றி அதில் கடுகு, உளுத்தம் பருப்பு மற்றும் கறிவேப்பிலை தாளித்து அதனுடன் மிளகு தூள் சேர்த்து அடுப்பை அணைக்கவும்.

* தாளித்த கலவையில் இடியாப்பத்தை போட்டு லேசாக கிளறவும்.

* கடைசியாக நறுக்கிய கொத்தமல்லி இலையை தூவி பரிமாறவும்.

* சுவையான மிளகு இடியாப்பம் ரெடி. இதில் மிளகு தூள் சேர்ப்பதால் சளி பிரச்சனை மற்றும் தொண்டை பிரச்சனைகளுக்கு இதமாக இருக்கும்.

முகநூல்

பதிவிற்கு நன்றி