மிக்ஸட் பீன் சாலட் வித் சால்சா

என்னென்ன தேவை?

வெள்ளை கொண்டைக்கடலை, கருப்புக் கொண்டைக்கடலை, ராஜ்மா - மூன்றும் சேர்த்து 3/4 கப்,
தக்காளி - 2,
மிளகுத் தூள் - 1/2 டீஸ்பூன்,
பச்சை மிளகாய் - 1,
எலுமிச்சைச்சாறு - 1 டீஸ்பூன்,
உப்பு - தேவையான அளவு,
குடை மிளகாய் - 1/2,
மாங்காய் - சிறிய துண்டு (தேவைப்பட்டால்).

எப்படிச் செய்வது?

தக்காளியை விதை நீக்கிப் பொடியாக நறுக்கிக் கொள்ளவும். பச்சை மிளகாயை பொடியாக நறுக்கிக் கொள்ளவும். குடை மிளகாயை நறுக்கவும். மாங்காயை
நறுக்கிக் கொள்ளவும். கொண்டைக்கடலைகள் மற்றும் ராஜ்மாவை 12 மணி நேரம் ஊற வைக்கவும். ஊறியதும் குக்கரில்  4 விசில் வரும் வரை வேக வைத்து, தண்ணீர் இல்லாமல் தனியாக ஒரு பாத்திரத்தில் போட்டு வைத்துக் கொள்ளவும்.

பொடியாக நறுக்கிய தக்காளி, பச்சை மிளகாய், மிளகுத் தூள், உப்பு சேர்த்து ஸ்பூனால் நன்கு மசித்துக் கொள்ளவும். இந்தக் கலவையை கொண்டைக்கடலை மீது கொட்டவும். அத்துடன் மாங்காய், குடை மிளகாய் சேர்த்து நன்கு கலக்கி, எலுமிச்சைச்சாறு சேர்த்துக் கலந்து பரிமாறவும்.

- தினகரன்