அம்மாக்களை விரட்டிய மகன்களுக்கு மட்டும்

by பால வீரா Tue Mar 31, 2015 4:57 pm

கோவில் குளம் என சுற்றி கடவுளின்
வரம் வாங்கி உன்னைப் பெற்றவள்
இன்று கோவில் கோவிலாய் கரம் நீட்டி பிச்சை எடுக்கிறாளே உனக்கு தெரியவில்லையா???

அம்மா அப்பா என உனக்கு தமிழ் கற்று கொடுத்தவள் இன்று பேருந்து நிலையங்களில் அம்மா ஐயா என பிச்சை எடுப்பது உனக்கு தெரியவில்லையா ???

நீ அழுகிற நேரங்களில் உன் பசி அறிந்து தன் இரத்தத்தையே பாலாய்த் திரித்து ஊட்டியவள் இன்று பசியில் ஒருவேளை சோற்றுக்காக
அழும் குரல் உனக்கு கேட்கவில்லையா ???

ஒரு கொசு கடித்தாலும் பதறி தன் மாராப்பால் உன்னை போர்த்தி தன் தூக்கம் தொலைத்து உன்னை தூங்க வைத்தவள் இன்று பிளாட்பாரங்களில் கொசுக்கடியிலும் குளிரிலும் அவதிப்படுவது உனக்கு தெரியவில்லையா ???

புதிது புதிதாக ஆடைகள் வாங்கி உனக்கு ராஜா வேடம் அணிந்து அழகு பார்த்தவள் இன்று கிழிந்த ஆடைகளுடன் பிச்சைக்காரியாய் அலைவது உனக்கு தெரியவில்லையா ???

இவ்வளவு துன்பத்திலும் இரவில் அவள் உன்னையே நினைத்துக் கொண்டிருப்பாள் ஆனால் நீயோ இன்பத்திற்காக உன் மனைவியை அணைத்துக் கொண்டிருப்பாய்...