இந்தியாவில் ஒலிம்பிக்?: வரும் 2024ல் நடத்த திட்டம்

by rammalar Fri Apr 03, 2015 3:58 am

புதுடில்லி:

வரும் 2024ல் இந்தியாவில் ஒலிம்பிக் போட்டியை
நடத்த ஏற்பாடுகள் நடக்கின்றன.

எல்லாம் சரியாக அமையும் பட்சத்தில் ஆமதாபாத்தில்
போட்டி நடக்கும் எனத் தெரிகிறது.

கடந்த 1896ல் கிரீஸ் நாட்டின் ஏதென்சில் முதல் நவீன
ஒலிம்பிக் போட்டி நடந்தது. தொடர்ந்து ஒவ்வொரு
நான்கு ஆண்டுக்கு ஒருமுறை நடக்கும் இப்போட்டி
கடைசியாக 2012ல் லண்டனில் நடந்தது.

அடுத்து 31வது ஒலிம்பிக் போட்டி வரும் 2016ல்
பிரேசிலின் ரியோ டி ஜெனிரோ நகரில் நடக்கவுள்ளது.

2020 போட்டியை நடத்த ஜப்பான் (டோக்கியோ) அனுமதி
பெற்றுள்ளது.

இதுவரை, ஆசிய கண்ட நாடுகளை பொறுத்தவரை
ஜப்பான், தென் கொரியா, சீனா நாடுகள் ஒலிம்பிக்
போட்டியை நடத்தின. ஆனால், ஒரு முறை கூட
இந்தியாவில் நடந்தது கிடையாது.

திடீர் போட்டி: இதனிடையே, 2024ல் ஒலிம்பிக் நடத்த
இத்தாலி (ரோம்), ஜெர்மனி (ஹம்பர்க்), அமெரிக்கா
(பாஸ்டன்), கத்தார் (தோகா) உள்ளிட்ட பல நாடுகள்
விருப்பம் தெரிவித்துள்ளன.

தற்போது திடீரென இந்தியாவும் இதற்கான போட்டியில்
குதித்துள்ளது. குறுகிய கால அவகாசம் மட்டும் உள்ளதால்,
அனுமதியை பெற இந்தியா தரப்பில் தீவிரமாக
இறங்கியுள்ளனர்.
-
-------------------------------------------
நன்றி- தினமலர்