கண்மூடித்தனம்

by கே.எஸ்.கலை Sat Apr 18, 2015 8:19 am

முன்பள்ளிச்
செல்லும் முன்பே
புகட்டப்படுகின்றது
கண்களை மூடி
கடவுளை வணங்கு என்பது....
கண்மூடித்தனத்தின்
அத்திவாரம் அது !

அறியாத மொழியில்
புரியாத எதையோ
முளைவிடத் தொடங்கும்
மூளை மடிப்புகளில்
பதியம் போடுகிறார்கள்...
மனனத்தை விட மௌனம்
அர்த்தமுள்ளது என்பதை
அறியாதவர்கள் !

ஒவ்வொரு குழந்தையும்
முதலில் பலாத்காரம் செய்யப்படுவது
பெற்றோர்களால் தான் !
கட்டாயப்படுத்திச்
செய்விக்கப்படும் எதுவும்
பலாத்காரமே ! - அது
கடவுள் வணக்கமாக இருந்தாலும்....!

தெரிந்து வைத்திருப்பதை விட
புரிந்து வைத்திருப்பது சிறப்பென
புரிந்து வைத்திருக்காதவர்கள்
வேப்ப மர உச்சியில் “பேய் காட்டி”
பிள்ளை வளர்கிறார்கள் !

உள்ளுக்குள்
தேட வேண்டியதை
கல்லுக்குள் தேட வைத்து
மல்லுக்கட்டல் மடமை !

கடவுளைத் தேடி
வெளியில் போன வழியில் தான்
மனிதம் தொலைக்கப்பட்டது....

கல்லை கல்லாகவும்
மரத்தை மரமாகவும்
பாம்பை பாம்பாகவும்
நெருப்பை நெருப்பாகவும்
காட்டிப் பழக்குங்கள்....
மனிதனை மனிதனாய் பார்க்க
தானாய் பழகிக் கொள்வார்கள் !

எந்த பறவை
எந்த மிருகம்....
கடவுளைத் தேடியது ?
எந்த காடுகளில்
கலவரச் சத்தம்
காதைக் கிழித்தது ?

இயற்கை
இயற்கையாகவே இருக்க
உலகம் அழகாகும்....
மனிதன் இயற்கையானவன் !

செயற்கை
இயற்கையை ஆளும் போது
உலகம் அழிவாகும்...!
கடவுள் செயற்கையானது !

by முழுமுதலோன் Sat Apr 18, 2015 10:49 am

உங்களின் கண்மூடித்தனம் மிகவும் அழகாகவும் ரசிக்கும்படியும் உள்ளது .... வாழ்த்துக்கள்

கல்லை கடவுளாக காட்டினாலும் மனிதனை எப்போதும் மனிதனாய் பார்க்கும் எண்ணம் வரவேண்டும்

ஒவ்வொரு குழந்தையும்
முதலில் பலாத்காரம் செய்யப்படுவது
பெற்றோர்களால் தான் !
கட்டாயப்படுத்திச்
செய்விக்கப்படும் எதுவும்
பலாத்காரமே !

உண்மைதான் இதில் மாற்று கருத்து இல்லை

கடவுளைத் தேடி
வெளியில் போன வழியில் தான்
மனிதம் தொலைக்கப்பட்டது....

இதில் எனக்கு உடன்பாடு இல்லை

அவனவன் விருப்படி செய்யும் தவறுகளுக்கு கடவுள் எப்படி பொறுப்பாளி >? மனிதம் தொலைக்கப்பட்டது மனிதனால் தானே தவிர வேறு யாரையும் குறை சொல்லாதிர்கள்

இருப்பினும் உங்களின் இந்த கண்மூடித்தனம் பாராட்டுக்குரியது
கண்மூடித்தனம் B2OCqRWpSEm6GztzAslK+sirappu-kavithai

கண்மூடித்தனம் B2OCqRWpSEm6GztzAslK+sirappu-kavithai

#spp1

by mohaideen Sun Apr 19, 2015 1:13 pm

நல்ல கவிதை

by Sponsored content

கண்மூடித்தனம்

கண்மூடித்தனம்

Re: கண்மூடித்தனம்

Re: கண்மூடித்தனம்

Re: கண்மூடித்தனம்