இந்த வார சிறப்பு கவிஞர் விருதுக்கான தலைப்பு: நிலா

கவிஞர்களுக்கு வணக்கம்,

இந்த வார தலைப்பு: நிலா 
[You must be registered and logged in to see this image.]



'நிலா'வை பற்றி எழுதாத கவிஞர்களே இல்லை எனலாம். பட்டுக்கோட்டை கல்யாண சுந்தரம் முதல் இன்றைய காலகட்டத்தில் உள்ள கவிஞர்கள் வரை அனைவருமே நிலாவை ரசித்து கவிதைகள் எழுதி இருக்கிறார்கள். உங்கள் கவிதை 8 வரிகளுக்கு குறையாமல் பார்த்துக்கொள்ளுங்கள். ஒருவர் அதிகபட்சம் இரண்டு கவிதைகள் எழுதலாம். 

இந்த கவிதைகள் வேறு எங்கும் இதற்கு முன்பு பிரசுரித்து இருக்க கூடாது. இங்கே எழுதிய பின்னர் நீங்கள் வேறு தளங்களில் பதிவிட தடையில்லை. 

இந்த பதிவின் கீழேயே ஒன்றன் கீழ் ஒன்றாக எழுதுங்கள். நடுவர் குழுவினர் கவிதைகளை பரிசீலனை செய்ய வசதியாக/எளிதாக இருக்கும். வேறு எங்கும் சிறப்பு கவிஞர் விருதுக்கான கவிதைகளை பதிவிட கூடாது.

புதிய விதிமுறைகளை இங்கே சென்று பார்த்துக்கொள்ளலாம்: 
[You must be registered and logged in to see this link.]

இந்த பதிவு இன்று மதியம் 01.30 முதல் ஞாயிற்று கிழமை மதியம் 01.30 வரை திறந்து இருக்கும். 

நட்புடன் 
நடுவர் குழுவினர். 
தகவல் தளம்

கவிஞர்கள் தொடர்ந்து கீழே தங்கள் போட்டிக்கான கவிதைகளை பதியலாம்.பதியும் முன் விதிமுறைகளை ஒருமுறை நினைவில் கொள்ளவும்.
[You must be registered and logged in to see this link.]

இதோ என் கவிதை இன்றே போட்டிக்கு வருகிறது.

நிலா!

கடன் வாங்கிப் பூசிய வெளிச்சத்தில்
உடனிருக்கும் வழு மறைத்தவள் நீ!

உனைப்பார்த்துண்ட அன்னத்தில்
எனை வளர்த்த நன்றிக்காய் நீதி
மனையுன்னை இழுக்கேன் நான் !

பெண்ணவள் பாவம் உன் முகம் ஒப்பி
பண்ணினினில் பாட அவள் மயங்கினாளே !
இன்னுமுன் வெண்மை நிஜமென நம்பி
தன்னழகில் தானே திமிர் கொண்டாளே!

என்னவுன் மாயம் எள்ளளவுமுன் புகழீவு ஆகா
பென்னம்பெரும்பேறாய் கவியகராதியிலுவமைகள்
சின்னமாய் முதலிடம் பெற்றாய் ?அலுக்காமல்
உன்னை நான் என்பாக்கள்  பொருளினாய்
இன்னுமேன் கொள்கிறேன் சொல்நிலா

உன்னிலா என்னிலா ஊடல் நான் கொள்வது
தன்னிலா நிகரிலா உவமை நீ சொல்வது
என்னதான் சொல் நிலா நீ பிழையென்பது
பண்ணிலும் பொருளிலும் விதிவிலக்காவது
மண்ணிலே கவிஞர்கள் உன்னைமேல் பார்ப்பது
விண்ணிலே என்பதால் உன் வழுவுன்னில் மறைவது!





-தமிழினியன்-

வெண் ணாடை
உடுத்திய சுமங்கலியவள்

கட்டழகில் எனை
மயக்கும் காதலியவள்

மாதம் ஒருமுறை
மறையும் மங்கையவள்

என்னன்பு மகளின்
பசிபோக்கும் தாயவள்

அவள் தான்

சித்திரையில் நாம்
வணங்கும் முழுமதியவள்.

மிக அருமையான கவிதை மகாபிரபு 

யார் எழுதி கொடுத்த கவிதை இது மகா பிரபு

முதல் கவிதையை பதிந்து போட்டியை ஆரம்பித்து வைத்துள்ளீர் தமிழினியன்
எனக்கு இந்த வரி விளங்கவில்லை
என்னதான் சொன்நிலா நீ பிழையென்பது

என்ன தான் சொல் நிலா நீ பிழை என்பது
(என்ன தான் சொல்லு உன்னை பிழை என்பது )என்று அர்த்தம் படும் .
கவிதைக்காக சொல்நிலா என்பது சொன்நிலா என்று திரிபடைந்து வருகிறது.
நீங்கள் இப்படிக் கேட்டதும் எனக்குள் ஒரு பயம் வந்து விட்டது .நான் எழுதியது சரியா என்று.யாரவது கவிப் புலமைகள் விளக்குங்களேன் தயை கூர்ந்து.

ஆமாம் மகா பிரபு நறுக்கென நளினமாக சொல்லிவிட்டீர்கள் அருமை !

தவறாக நினைக்கவேண்டாம் தமிழினியன் அவர்களே 
நான் அப்படி ஒரு சொல்லை அறிந்திருக்கவில்லை அந்த ஐயத்தின் காரணமாகவே கேட்டேன்

thamiliniyan wrote:ஆமாம் மகா பிரபு நறுக்கென நளினமாக சொல்லிவிட்டீர்கள்  அருமை  !

உண்மையாகவே தம்பி மகாபிரபுவிடம் இப்படி ஒரு ஆற்றல் உள்ளது என்பதை நானும் இன்றுதான் அறிகிறேன் தமிழினியன்.

தம்பி மகா பிரபு, கலக்குறிங்க. இது நீங்களே எழுதிய கவிதையா அல்லது சபையில் யாரவது எழுதி கொடுத்தார்களா?

இல்லை நீங்கள் கேட்டது சரி என்றே படுகிறது.அதனை சொல் நிலா என்று திருத்த வேண்டும் முடியுமா

தமிழினியன் அவர்கள் எழுதிய கவிதை மிக மிக அருமை.பாராட்டலாம்

திருத்தி விட்டேன் தமிழினியன் அண்ணா.

நன்றி ராம் ஆனாலும் ஒரு வழு திருத்த உதவுங்கள்.

நன்றி ராம் ஆனாலும் ஒரு வழு திருத்த உதவுங்கள்.

வாவ் கேட்கும் போதே செய்து விட்டீர்கள்
நன்றி ராம்.

நிலவைப் பாராட்டி சீராட்டி தூங்க வைக்கலாம்... கவிஞர்களுக்குப் பாராட்டுகள் இப்பவே...

என்னன்பு மகளின்
பசிபோக்கும் தாயவள்

வெகுவாக ரசித்தேன்... பாராட்டுகள் மகா பிரபு

உன்னிலா என்னிலா ஊடல் நான் கொள்வது
தன்னிலா நிகரிலா உவமை நீ சொல்வது
என்னதான் சொல் நிலா நீ பிழையென்பது
பண்ணிலும் பொருளிலும் விதிவிலக்காவது

ரசனைக்குரிய சந்த வரிகள்... பாராட்டுகள்

முரளிராஜா wrote:மிக அருமையான கவிதை மகாபிரபு 

யார் எழுதி கொடுத்த கவிதை இது மகா பிரபு

உங்கள் தங்க தம்பி

thamiliniyan wrote:ஆமாம் மகா பிரபு நறுக்கென நளினமாக சொல்லிவிட்டீர்கள் அருமை !

நன்றி நண்பரே

கவியருவி ம. ரமேஷ் wrote:

என்னன்பு மகளின்
பசிபோக்கும் தாயவள்

வெகுவாக ரசித்தேன்... பாராட்டுகள் மகா பிரபு

நன்றி அண்ணா

மகா பிரபு wrote:

முரளிராஜா wrote:மிக அருமையான கவிதை மகாபிரபு 

யார் எழுதி கொடுத்த கவிதை இது மகா பிரபு

உங்கள் தங்க தம்பி

உண்மையிலேயே கவிதை நல்லாருக்கு தம்பி.

ரசனைக்குரிய சந்த வரிகள்... பாராட்டுகள்

நன்றி கவிஞரே