பித்தப் பூக்கள்...!!

First topic message reminder :

கண்கள்….!!
*
எங்கெங்கோ தேடின
கண்கள்
எங்கேயிருக்கிறாய் என்று
காட்டிக் கொடுத்தது.
உன் அசையும்
உன் சிரிப்பலையும்
அருகில் நெருங்கி வந்துப்
பார்த்தேன்…. ஏமாந்தேன்
அது நீயில்லை என்பது
உறுதியானது
உடம்பெல்லாம் வியர்த்தேன்
வெட்கத்தில் குனிந்தேன்
நடந்தச் சம்பவம்
நான் சொன்னதைக் கேட்டு
நீ சிரித்தாய் ரொம்ப நேரம்
அந்தச் சிரிப்பில் மலர்ந்த
உன் முகம் தான்
எத்தனை அழகு….!!
*

காதல்மரம்…!!
*
பொழுதடைவதற்குள் வந்துவிடு
உனக்காகக் காத்திருப்பேன்
நூறடிச் சாலை
கல்பென்ஸில் அமர்ந்து
ஆலமரத்தின் கீழ்.
அந்தப் பேரூந்தின் நேரம்
தவறவிட்டுவிடாதே
தவறாமல் வந்துவிடு
என்னெதிரில் இருக்கும்
மலையில் மெல்ல மெல்ல
செஞ்சூரியன் மறைகிறான்
எனக்கோ பதட்டமாகவே
இருக்கிறது நீ எப்பொழுது
வந்துச் சேர்வாய் என்ற
எதிர்பார்ப்போடு நினைவுகள்
என்னைக் கடந்து
மேய்ச்சலுக்குப் போன ஆடுகள்
வீடு திரும்பிக் கொண்டிருக்கின்றன.
ஊர்க்காரப் பையன்கள் என்னை
விசாரித்துவிட்டுப் போகிறார்கள்
எல்லா பேரூந்துகளும்
நேரத்தோடு போய்விட்டது
நீ வரவேண்டிய பேரூந்து மட்டும்
இன்னும் காணோம்
என் முகவியர்வையைப் பார்த்து
எனக்காக விசிறிக் கொண்டிருக்கிறது
ஆல் அரசு வேம்பு இணைந்த
காதல்மரம்.
*

துவக்கம்…!!
*
அவளொரு மலரைப் போன்று
விழித்தெழுந்தாள்
மனதில் என்னவோவொரு
புதிய சிந்தனையோடு
புன்னகைப் பூத்தாள்.
எல்லையற்ற ஆசைகளோடு
எதிர்காலச் செயல்களைச்
சித்திரமாய் வரைந்து
இதயக் கணினியில் பதிந்தாள்.
அடிக்கடி நிலைக் கண்ணாடியில்
முகம் பார்த்து பார்த்து
புன்சிரிப்புச் சிரித்துக் கொண்டாள்
அவளுடைய அழகே கண்டே
அவள் பொறாமையோடு
முகம் சுழித்தாள்.
எதைப் பற்றியோ கேட்டு
விசாரிக்கும் அன்னியனிடம்
தலைக் கவிந்து வெட்கப்பட்டுப்
பதில் சொன்னாள்.
வாசலில் நிற்கும் சிட்டுக்குருவியை
விரட்டாமல் ரசித்து பார்த்தாள்
செல்போன் ஒலிக்கேட்டு
பதறாமல் எடுத்துப் பேசினாள்
முகமெல்லாம் மலர்ந்தது
தாமரைப் பூவாய்
*

சுகவலி….!!
*
உன்
தலைவலிக்குத்
தைலம் தேய்த்து விட்டேனே
வலி குறைந்து விட்டதா?
இப்பொழுது தான்
எனக்கு புரிந்தது
தைல வருடலின்
ஸ்பரிச சுகத்தை
விரும்புகிறது
உன் சுய தலைவலி.
வலி சுகமானது
சுகம் வெட்கமாகது.
*

கலகலப்பு…!!

*
எனக்குக் காட்டிய
காதல் சமாதானக்
கொடியென்று
கவனிக்கிறேன்.
நீ
கூந்தலில் சூடியுள்ள
மல்லிகைப் பூ…!!
*
நீ
கலகலப்பாக இருக்கிறாய்
என்பதை உணர்த்துகின்றது
,இன்று கூந்தலில் சூடிய
கனகாம்பரம் பூ…!!
*

அருமை