iOS 8.4 டவுன்லோடு தற்போது கிடைக்கிறது

by ஸ்ரீராம் Mon Jul 06, 2015 4:30 pm

[You must be registered and logged in to see this image.]

ஆப்பிள் முன்னதாகவே அறிவித்ததை தொடர்ந்து, தற்போது iOS 8.4 ஐ-போன், ஐ-பேட், ஐ-போட் டச் போன்ற சாதனங்களில் டவுன்லோடு செய்ய கிடைக்கிறது. இந்த அப்டேட் வசதியில் மியூசிக் ஆப் மேம்படுத்தப்பட்டு வருகிறது.இதில் மிகவும் எதிர்பார்த்த ஆப்பிள் மியூசிக் ஸ்டிரீமிங் சேவையான 'Beats 1' என அழைக்கப்படும் 24/7 இலவச ரேடியோசேவை, அதோடு 'ஆப்பிள் மியூசிக் கனெக்ட்' போன்றவைகளும் உள்ளடங்கியுள்ளன.iOS 8.3 பயன்படுத்தும் பயனர்களுக்கு 218 MB OTA அப்டேட்டாக iOS 8.4 கிடைக்கிறது.ஆனால் இந்த சரியான அளவு உங்கள் iOS சாதனத்திற்கு ஏற்றார்போல் மாறுபடும். இதை தவிர்த்து சீரமைக்கப்பட்டுள்ள மியூசிக் ஆப்-ல் மேம்படுத்தப்பட்ட ஐ-புக்மற்றும் மற்ற திருத்தங்களும் இந்த அப்டேட்டில் உள்ளடங்கியுள்ளன.

மிகவும் எதிர்பார்க்கப்பட்ட ஆப்பிள் மியூசிக் மற்றும் Beats 1 ரேடியோ இந்தியாவிலும் கிடைக்கிறது. இந்த வசதி முதல் 3 மாதம் இலவசமாக வழங்கப்படுகிறது.அதன் பின் பயனர்கள் மாதம் ரூ.120கட்டணம் செலுத்தி இந்த ஆப்பிள் மியூசிக்கை தொடரலாம். அதோடு பேமிலி பிளானிற்கு ( 6 பயனர்கள் வரை ) ரூ.190 மாதக் கட்டணமாக நிர்ணயிக்கப்பட்டுள்ளது.அதே போல் Beats 1 ரேடியோ வாழ்நாள் முழுவதும் இலவசமாக வழங்கப்படுகிறது. முதல் உலகளாவிய ரேடியோ ஸ்டேசனான இந்த 'Beats 1', 100 நாடுகளுக்கும் மேலாக கிடைக்கும் என நிறுவனம் கூறியுள்ளது.

உலகத்தின் மிகப் பெரிய நிறுவனமான ஆப்பிள் இந்த அப்டேட்டை வழங்கியது நல்ல வரவேற்பை பெறும் என உறுதிபடக் கூறியுள்ளது.

நன்றி: ஸ்ரீபரன்