சுலபமா செய்யலாம் !! சுவையா சாப்பிடலாம் !!இன்றைய ஸ்பெஷல் {பஜ்ஜி+போண்டா+பக்கோடா!}

by முழுமுதலோன் Wed Sep 30, 2015 11:09 am

First topic message reminder :

[You must be registered and logged in to see this image.]

பார்க்கும்போதே நாவின் சுவை நரம்புகளைத் தூண்டி, உடனடியாக சாப்பிட்டுவிட வேண்டும் என்ற ஆவலை ஏற்படுத்தும் உணவு வகைகளில் பஜ்ஜி, போண்டா, பக்கோடாவுக்கு தனி இடம் உண்டு. அவற்றில் வழக்கமான சில அயிட்டங்களுடன்... ஆப்பிள் ஸ்வீட் பஜ்ஜி, ஓமவல்லி பஜ்ஜி, பனீர் - ஆலு போண்டா, ராகி பக்கோடா, சேமியா பக்கோடா என வித்தியாசமான பல ரெசிப்பிகளையும் சேர்த்து வழங்குவதன் மூலம் இங்கே ஒரு `கரகர மொறுமொறு மேளா’வே நடத்திக்காட்டி அசத்தும் சமையல்கலை நிபுணர் லக்ஷ்மி ஸ்ரீநிவாசன்
,
‘`இவை அனைத்துமே எண்ணெய்ப் பதார்த்தங்கள் என்பதால், அளவுடன் செய்து பயன்படுத்துங்கள்’’ என்று அக்கறையுடன் கூறுகிறார்.

by முழுமுதலோன் Wed Sep 30, 2015 11:35 am

வெள்ளை எள் பக்கோடா

[You must be registered and logged in to see this image.]

தேவையானவை:

வெள்ளை எள் - 50 கிராம் (வறுக்க வேண்டாம்), கடலை மாவு - 100 கிராம், அரிசி மாவு - 20 கிராம், பெருங்காயத்தூள் - சிறிதளவு, உப்பு, மிளகாய்த்தூள் - தேவைக்கேற்ப, எண்ணெய் - கால் கிலோ.

செய்முறை:

கடலை மாவு, அரிசி மாவு, எள், உப்பு, மிளகாய்த்தூள், பெருங்காயத்தூள் ஆகியவற்றை நன்கு கலந்து, சிறிதளவு நீர் விட்டு நன்கு பிசிறவும். மாவை சூடான எண்ணெயில் பக்கோடாக்களாக கிள்ளிப் போட்டு பொரிக்கவும்.

by முழுமுதலோன் Wed Sep 30, 2015 11:36 am

பச்சைப் பட்டாணி போண்டா

[You must be registered and logged in to see this image.]

தேவையானவை:

வேகவைத்த பச்சைப் பட்டாணி - 200 கிராம், கேரட் துருவல் - ஒரு டீஸ்பூன், தக்காளி, பச்சை மிளகாய் - தலா - 2 (பொடியாக நறுக்கவும்), நறுக்கிய கொத்தமல்லித்தழை, புதினா - சிறிதளவு, எண்ணெய் - 300 கிராம், உப்பு - தேவையான அளவு.
மேல் மாவுக்கு: கடலை மாவு - 150 கிராம், அரிசி மாவு - 25 கிராம், மிளகாய்த்தூள், உப்பு - சிறிதளவு.

செய்முறை:

வேகவைத்த பச்சைப் பட்டாணியுடன் உப்பு சேர்த்து நைஸாக அரைத்து, அதனுடன் நறுக்கிய பச்சை மிளகாய், தக்காளி, நறுக்கிய கொத்தமல்லித்தழை, புதினா, கேரட் துருவல் சேர்த்துப் பிசையவும். இதை உருண்டைகளாக உருட்டிக்கொள்ளவும்.
மேல்மாவுக்கு கொடுத்துள்ளவற்றுடன் தேவையான நீர் சேர்த்து தோசை மாவைவிட சற்றே தளர்வாக கரைக்கவும். செய்து வைத்திருக்கும் உருண்டைகளை மாவில் தோய்த்து சூடான எண்ணெயில் பொரித்தெடுக்கவும்.

குறிப்பு:

பச்சைப் பட்டாணி இல்லாத சமயத்தில் உலர்ந்த பட்டாணியை ஊறவைத்து, வேகவிட்டு அரைத்து பயன்படுத்தியும் இந்த போண்டாவை செய்யலாம்.

by முழுமுதலோன் Wed Sep 30, 2015 11:37 am

ராகி பக்கோடா

[You must be registered and logged in to see this image.]

தேவையானவை:

கேழ்வரகு மாவு - 100 கிராம், கடலை மாவு - 50 கிராம், அரிசி மாவு - 2 டீஸ்பூன், வெங்காயம் - 2 (நீளமாக நறுக்கவும்), இஞ்சி - ஒரு துண்டு (நசுக்கவும்), பச்சை மிளகாய் - 4 (நசுக்கவும்), நறுக்கிய கொத்தமல்லித்தழை - ஒரு கைப்பிடி அளவு, எண்ணெய் - கால் கிலோ, உப்பு - தேவைக்கேற்ப.

செய்முறை:

கேழ்வரகு மாவு, கடலை மாவு, அரிசி மாவு, வெங்காயம், நசுக்கிய இஞ்சி, பச்சை மிளகாய், நறுக்கிய கொத்தமல்லித்தழை, உப்பு சேர்த்து, சிறிதளவு நீர் விட்டு நன்கு பிசிறவும். மாவை சூடான எண்ணெயில் பக்கோடாக்களாக கிள்ளிப் போட்டு பொரித் தெடுக்கவும்.

by முழுமுதலோன் Wed Sep 30, 2015 11:38 am

சேமியா பக்கோடா

[You must be registered and logged in to see this image.]

தேவையானவை:

சேமியா - 100 கிராம், கடலை மாவு - 2 டீஸ்பூன், அரிசி மாவு - ஒரு டீஸ்பூன், வெங்காயம் - 2 (நறுக்கவும்), நறுக்கிய புதினா - ஒரு கைப்பிடி அளவு, எண்ணெய் - 250 கிராம், மிளகாய்த்தூள், உப்பு - தேவையான அளவு.

செய்முறை:

சேமியாவை தண்ணீரில் 5 நிமிடம் ஊறவிட்டு வடிகட்டவும். இதனுடன் எண்ணெய் தவிர மற்ற பொருட்களையும் சேர்த்து நன்கு பிசிறவும் (நீர் சேர்க்க வேண்டாம். சேமியாவின் ஈரம் போதுமானது). இந்தக் கலவையை சூடான எண்ணெயில் பக்கோடாக்களாக கிள்ளிப் போட்டு பொரிக்கவும்.

by முழுமுதலோன் Wed Sep 30, 2015 11:40 am

வெண்டைக்காய் பக்கோடா

[You must be registered and logged in to see this image.]

தேவையானவை:

இளசான வெண்டைக்காய் - கால் கிலோ (வில்லைகளாக நறுக்கவும்), கடலை மாவு - 100 கிராம், அரிசி மாவு - 20 கிராம், சோள மாவு - 2 டீஸ்பூன், பெருங்காயத்தூள் - சிறிதளவு, எண்ணெய் - கால் கிலோ, மிளகாய்த்தூள், உப்பு - தேவைக்கேற்ப.

செய்முறை:

எண்ணெய் தவிர மற்ற பொருட்களை ஒன்றாக சேர்த்து நீர் தெளித்துப் பிசிறவும். இந்தக் கலவையை சூடான எண்ணெயில் பக்கோடாக் களாக கிள்ளிப் போட்டு பொரித்தெடுக்கவும்.

by முழுமுதலோன் Wed Sep 30, 2015 11:41 am

பாகற்காய் பக்கோடா

[You must be registered and logged in to see this image.]

தேவையானவை:

விதை நீக்கி பொடியாக நறுக்கிய பாகற்காய் - 200 கிராம், கடலை மாவு - 100 கிராம், அரிசி மாவு - 20 கிராம், ஓமம் - கால் டீஸ்பூன், ஆரஞ்சு ஃபுட் கலர் - ஒரு சிட்டிகை, புளிக்கரைசல் - சிறிதளவு, எண்ணெய் - பொரிக்கத் தேவையான அளவு, மிளகாய்த்தூள், உப்பு - தேவைக்கேற்ப.

செய்முறை:

நீரை சூடாக்கி பாகற்காயை போட்டு, ஒரு கொதி வந்ததும் இறக்கி, வடிகட்டவும். இதனுடன் கடலை மாவு, அரிசிமாவு, புளிக்கரைசல், உப்பு, மிளகாய்த்தூள், ஓமம் மற்றும் ஃபுட் கலர் சேர்த்து, நீர் தெளித்து நன்கு பிசிறவும். இந்தக் கலவையை சூடான எண்ணெயில் கிள்ளிப் போட்டு பொரித்தெடுக்கவும்.
[You must be registered and logged in to see this link.]

by செந்தில் Wed Sep 30, 2015 8:46 pm

by Sponsored content

சுலபமா செய்யலாம் !! சுவையா சாப்பிடலாம் !!இன்றைய ஸ்பெஷல் {பஜ்ஜி+போண்டா+பக்கோடா!}

சுலபமா செய்யலாம் !! சுவையா சாப்பிடலாம் !!இன்றைய ஸ்பெஷல் {பஜ்ஜி+போண்டா+பக்கோடா!}

Re: சுலபமா செய்யலாம் !! சுவையா சாப்பிடலாம் !!இன்றைய ஸ்பெஷல் {பஜ்ஜி+போண்டா+பக்கோடா!}

Re: சுலபமா செய்யலாம் !! சுவையா சாப்பிடலாம் !!இன்றைய ஸ்பெஷல் {பஜ்ஜி+போண்டா+பக்கோடா!}

Re: சுலபமா செய்யலாம் !! சுவையா சாப்பிடலாம் !!இன்றைய ஸ்பெஷல் {பஜ்ஜி+போண்டா+பக்கோடா!}

Re: சுலபமா செய்யலாம் !! சுவையா சாப்பிடலாம் !!இன்றைய ஸ்பெஷல் {பஜ்ஜி+போண்டா+பக்கோடா!}

Re: சுலபமா செய்யலாம் !! சுவையா சாப்பிடலாம் !!இன்றைய ஸ்பெஷல் {பஜ்ஜி+போண்டா+பக்கோடா!}

Re: சுலபமா செய்யலாம் !! சுவையா சாப்பிடலாம் !!இன்றைய ஸ்பெஷல் {பஜ்ஜி+போண்டா+பக்கோடா!}

Re: சுலபமா செய்யலாம் !! சுவையா சாப்பிடலாம் !!இன்றைய ஸ்பெஷல் {பஜ்ஜி+போண்டா+பக்கோடா!}

Re: சுலபமா செய்யலாம் !! சுவையா சாப்பிடலாம் !!இன்றைய ஸ்பெஷல் {பஜ்ஜி+போண்டா+பக்கோடா!}