சாய் பாபா லீலைகள் – வானவில்

லாஸ் ஏஞ்சலீஸைச் சேர்ந்தவர் ஜோயஸ்.
பாபாவைப் பற்றி மற்றவர்கள் சொல்வதைக்
கேட்டு அவர் கிண்டலடிப்பார். ஏதேதோ
வித்தைகள் செய்து மக்களை ஏமாற்றும்
கேரெக்டர்தான் பாபா என்பது அவரது
அபிப்ராயம்.

அதனால் பாபாவைப் பற்றிப் பேச்செழுந்தாலே
நக்கலாக கேரெக்டர் என்றுதான் சொல்வார்.
அதாவது ஏமாற்றும் கேரெக்டர்!

என்னென்னவோ சிருஷ்டிக்கிறாராமே அந்த கேரெக்டர்?
இந்தியாவிலிருந்து அமெரிக்கா வரை அல்லவா அந்த
கேரெக்டர் வளைத்துப் போடப் பார்க்கிறார்? நான் ஒரு
தமாஷ் செய்து அந்த கேரெக்டரின் சாயத்தை வெளுக்க
வைக்கிறேன். செயின், மோதிரம், சிலை என்றெல்லாம்
கேட்காமல் அவரை உடனே ஒரு வானவில்லை
சிருஷ்டித்துக் காட்டச் சொல்லப் போகிறேன் என்று
நண்பர்களிடம் நையாண்டி செய்த ஜோயல்,
இதற்காகவே செலவு செய்து மனைவி டயானா, தோழி
பமேலா ஆகியோருடன் இந்தியாவுக்கு புட்டபர்த்திக்கு
வந்தார்.
–
பாபாவைப் பார்க்கக் கிளம்புமுன், அருகிலிருந்த குன்றின்
மீது மனைவி, தோழியுடன் உட்கார்ந்திருந்தார் ஜோயல்.
அது நல்ல வெயில் நேர மதியம். வானம் வெறுமையாக
இருந்தது ஒரு மேகம் கூட இல்லை.

மனைவியிடம் பேசிக்கொண்டே யதேச்சையாய்
வானத்தைப் பார்த்த ஜோயல் அதிர்ந்து போனார். அவர்
உடல் வியர்த்தது. நடுங்கியது. கண்களில் இருந்தும் நீர்
வழிந்தது.
–
ஏன்?
–
மனைவி டயானாவின் தோளுக்குப் பின்னால் கிறுகிறு
வென ஒரு வானவில், வர்ண ஜாலத்துடன் துவங்கியது.
மளமளவென அது வளர்ந்து உச்சிவானைத் தொட்டும்
மேலும் எதிர்த் திசைக்குள் படர்ந்து அடிவானம் வரை
வளர்ந்துவிட்டது!
–
ஜோயல் மட்டுமல்ல, அவரது மனைவி, தோழியும்
அந்தக் காட்சியைக் கண்டு விக்கித்துப் போனார்கள்.
அதன் வீரியம் தாங்க முடியாமல் விக்கி விக்கி
அழுதார்கள்.

பத்தாயிரம் கி.மீ.க்களுக்கு அப்பால் பேசியதை அறியும்
சக்தி, அதுவும் கேலியாகக் கேட்டதைத் தந்தருளும்
சக்தி, மெய்சிலிர்த்து பாபா பக்தியில் கரைந்தும் மூவரும்
பாபாவின் தரிசனத்துக்குக் கிளம்பினார்கள்.

பக்தர்களின் பெருந்திரளான கூட்டத்தில் ஜோயலை
அடையாளம் கண்டு தானே தேடி வந்தார், சத்யசாய்பாபா.
கண்களில் குளிர்ச்சியைக் காட்டி, உதட்டில் புன்னகையை
நீட்டி, “என்னப்பா கேரெக்டர்? வானவில் நன்றாக
இருந்ததா?’ என்றார்.

ஜோயல் சாஷ்டாங்கமாய்க் காலில் விழுந்தார்.
அவரால் எதுவும் பேச முடியவில்லை. திக்பிரமையில்,
பிரமிப்பில், அதிர்ச்சியில், அன்பில், பெருமிதத்தில்,
நம்பிக்கையில், பக்தியில் அழ மட்டுமே அவரால்
முடிந்தது. ஆனந்த அழுகை!
–
—————————–

– ப்ரியா கல்யாணராமன்