தென்னாப்பிரிக்க அதிபர் மீது 783 ஊழல் வழக்குகள்: மீண்டும் விசாரிக்க உத்தரவு

தென்னாப்பிரிக்க அதிபர் ஜேக்கப் ஜுமா மீது தொடரப்பட்டு,
கடந்த 2009-ஆம் ஆண்டு தள்ளுபடி செய்யப்பட்ட
783 வழக்குகளை மீண்டும் விசாரிக்க அந்த நாட்டு உயர்
நீதிமன்றம் உத்தரவிட்டது.

ஜேக்கப் ஜுமா மீதான 783 ஊழல் வழக்குகளை அந்த நாட்டு
தலைமை வழக்குரைஞர் கடந்த 2009-ஆம் ஆண்டு தள்ளுபடி
செய்தார். அதையடுத்து, நாட்டின் அதிபராக ஜேக்கப் ஜுமா
பதவியேற்றார்.

இந்த நிலையில், இது தொடர்பாக பிரிடோரியா நகர உயர்
நீதிமன்றத்தில் நடைபெற்று வந்த வழக்கில் தீர்ப்பளித்து,
நீதிபதி ஆப்ரி லெட்வாபா வெள்ளிக்கிழமை கூறியதாவது:

ஜுமா மீதான 783 வழக்குகள் தள்ளுபடி செய்யப்பட்டது
ஏற்கத் தக்கதல்ல. எனவே, அந்த வழக்குகள் மீண்டும்
விசாரிக்கப்பட வேண்டும் என்றார் அவர்.
–
————————–

தினமணி