திருடன்கிட்டேயே திருட்டா? கடத்தல் தங்கத்தை திருடிய ராணுவ கர்னல் கைது

கவுகாத்தி:
கடத்தல் தங்கத்தை திருடியதாக தொடரப்பட்ட வழக்கில்
ராணுவ கர்னல் உள்பட 8 ராணுவ வீரர்கள் கைது
செய்யப்பட்டனர்.

கடந்த 2014-ம் ஆண்டு டிசம்பரில் இந்திய- மியான்மர்
எல்லையான மிசோரம் மாநிலத்தில் தங்க கட்டிகள்
கடத்தி வந்ததை, அசாமின் 39 அசாம் ரைபில்ஸ்படை
பிரிவின் கர்னல் ஜஸ்ஜித்சிங் தலைமையில்
ராணுவத்தினர் பறிமுதல் செய்தனர்.

இதில் கடத்தல் தங்கம், உரிய முறையில் மிசோரம்
அரசு கருவூலத்தில் ஒப்படைக்கவில்லை. மேலும்
கடத்தல் காரர்களையும் தப்பி விட்டனர்.இது தொடர்பாக
மிசோரம் அரசு புகார் தெரிவித்தது. கடத்தல் தங்கம்
மிசோரம் அரசு கருவூலத்தில் ஒப்படைக்கப்படாமல்
மாயமாகிவிட்டதாக கூறப்பட்டது.

சிறப்புவிசாரணை குழு அமைப்பு
–
கடத்தல் தங்கம் மாயமானது குறித்து மிசோரம்
போலீஸ் கடந்த ஏப். 21 -ம் தேதி அமைத்த சிறப்பு
விசாரணைக்குழுவினர் விசாரணை நடத்தினர்.இதில்
ராணுவ கர்னல், ஜஸ்ஜித்சிங், மற்றும் 8 ராணுவ
வீரர்கள் கடத்தல் தங்கத்தை பதுக்கி வைத்திருந்தது
தெரியவந்தது.

உடன் மிசோரம் போலீசார் கர்னல் ஜஸ்ஜித் சிங்
உள்ளிட்ட 8 ராணுவ வீரர்கள் மீது வழக்குப்பதிவு
செய்தனர். இதில் மிசோரம் போலீஸ் விசாரணைக்கு
ஒத்துழைக்காமல் கர்னல் ஜஸ்ஜித்சிங் , டிமிக்கி
கொடுத்து வந்தார்.

தனக்கு நெருக்கடி முற்றவே, முன்ஜாமின் கோரி
கர்னல் தாக்கல் செய்த மனு தள்ளுபடியானதை
தொடர்ந்து இன்று கர்னல் ஜஸ்ஜித் சிங் மற்றும்
8 ராணுவவீரர்கள் கைது செய்யப்பட்டனர்.
=
======================
தினமலர்