குஜராத் கவர்னராகிறார் ஆனந்திபென் படேல்?

புதுடில்லி:
குஜராத் மாநிலத்தில் சரிந்து வரும் கட்சியின் செல்வாக்கை
துாக்கி நிறுத்தும் வகையில், ஆனந்திபென் படேலை,
முதல்வர் பதவியிலிருந்து மாற்றி விட்டு, அவருக்கு கவர்னர்
பதவி அளிக்க, பா.ஜ., மேலிடம் திட்டமிட்டுள்ளது.
-
இதன்படி, குஜராத் சுகாதாரத் துறை அமைச்சராக உள்ள
நிதின்பாய் படேல், புதிய முதல்வராக நியமிக்கப்படலாம் என,
எதிர்பார்க்கப்படுகிறது. அதே நேரத்தில் தற்போது முதல்வராக
உள்ள ஆனந்திபென் படேல், குஜராத் அல்லது பஞ்சாப் மாநில
கவர்னராக நியமிக்கப்படலாம் என்றும் எதிர்பார்க்கப்படுகிறது.

பிரதமர் நரேந்திர மோடியின் சொந்த மாநிலமான குஜராத்தில்,
தற்போது, பா.ஜ., அரசு உள்ளது.
-
படேல் சமூகத்தினர் இடஒதுக்கீடு கோரி நடத்திய போராட்டத்தைத்
தொடர்ந்து, மாநிலத்தில் பா.ஜ.,வின் செல்வாக்கு சரிந்து வருவதாக
மோடிக்கு தெரிவிக்கப்பட்டது.

அதைத் தொடர்ந்து, கட்சியின் குஜராத் மாநில முன்னாள்
பொறுப்பாளர் மாத்துார் நடத்திய ரகசிய ஆய்வைத் தொடர்ந்து,
பல்வேறு மாறுதல்கள் செய்ய பரிந்துரைக்கப்பட்டுள்ளது.
அதன்படி, இந்த மாற்றங்களை செய்ய, மோடி திட்டமிட்டுள்ளதாக,
பா.ஜ., வட்டாரங்கள் தெரிவிக்கின்றன.
-
தினமலர்