சிங்கப்பூரில் இந்திய பெண் எழுத்தாளருக்கு சிறப்பு விருது

சிங்கப்பூர்:
31 வயதான இந்திய பெண் எழுத்தாளர் எழுதிய ‘
சிந்து இழந்த புதையல்’ என்ற கையெழுத்து பிரதி,சிங்கப்பூரின்
ஆசிய மேதைமை புத்தக விருது(சபா)க்கு தேர்வாகியுள்ளது.
–
சிங்கப்பூரின் தேசிய புத்தக வளர்ச்சி குழுவும், ஆசிய மேதைமை
அமைப்பும் இணைந்து ஆண்டுதோறும் சிறந்த புத்தகங்களுக்கு ‘
ஆசிய மேதைமை புத்தக விருது (சபா)’ வழங்கி வருகிறது.
–
இதில் கடந்த ஆண்டுக்கான சபா விருதுக்கு இந்திய பெண் எழுத்தாளரான
அதிதி கிருஷ்ணகுமார் எழுதிய ‘சிந்து இழந்த புதையல்’ என்ற கையெழுத்து
பிரதி தேர்ந்தெடுக்கப்பட்டு உள்ளது.
–
32 ஆயிரம் வார்த்தைகளை கொண்ட அந்த கையெழுத்து பிரதியில்
இந்திய வரலாறு மீதான காதலை ஆசிரியர் வெளிப்படுத்தி இருந்தார்.
இதன் மூலம் அதிதி கிருஷ்ணகுமாருக்கு 10 ஆயிரம் சிங்கப்பூர்
டாலர் (சுமார் ரூ.4 லட்சத்து 85 ஆயிரம்) பரிசாக வழங்கப்படுகிறது.
–

-

இது குறித்து அதிதி கிருஷ்ணகுமார் கூறுகையில், ‘வாசிப்பதை –
எப்போதும் நான் விரும்புவேன். இதன் மூலம் எழுதவும் முடியும் என
கருதினேன். ஒரு எழுத்தாளர் ஆவதே எனது லட்சியமாக இருந்தது
எனவும். இந்த புத்தகம் எழுதுவது மிகவும் சவாலாக இருந்தது.
எனினும் அதை நான் சாதித்து விட்டேன்’ என்றார்.
–
இந்தியாவை சேர்ந்த அதிதி கிருஷ்ணகுமார் கடந்த
3 ஆண்டுகளாக சிங்கப்பூரில் வசித்து வருகிறார்
-