எவரெஸ்ட்டில் ஏறி இந்திய பெண் உலக சாதனை

இடாநகர் :
உலகின் மிகப்பெரிய சிகரமான எவரெஸ்ட்டை,
5 நாட்களில், 2 முறை ஏறி, இந்திய பெண் அன்சு ஜம்சென்பா
உலக சாதனை படைத்துள்ளார்.

அருணாச்சல் பிரதேச மாநிலத்தை சேர்ந்தவர் அன்சு ஜம்சென்பா.
2 குழந்தைகளுக்கு தாயான அன்சுவின் முழுநேர பொழுதுபோக்கு
மலையேற்றம் தான்...


4வது பயணம்

அன்சு, கடந்த 16ம் தேதி, நேபாளத்தை சேர்ந்த மலையேற்ற
வீராங்கனை ப்யூரி ஷெர்பா உடன் இணைந்து எவரெஸ்ட் உச்சியை
அடைந்தார். இது அன்சு மேற்கொள்ளும் 4வது பயணம் என்பதும்,
கடந்த 5 நாட்களில் அவர் மேற்கொள்ளும் 2 வது மலையேற்றம்
இது என்பதும் குறிப்பிடத்தக்கது.


அதிகமுறை


இதன்மூலம் எவரெஸ்ட் சிகரத்தை அதிகமுறை ஏறிய முதல்
பெண் என்ற உலக சாதனையை அன்சு ஜம்சென்பா படைத்துள்ளார்.
அவருக்கு பல்வேறு தரப்பினர்களிடமிருந்து வாழ்த்துக்கள்
குவிந்துவருகின்றன.
-
-----------------------------
தினமலர்