இந்தோனேஷியாவில் போதை மருந்து கடத்தல் வழக்கில் 14 பேருக்கு கொடூர தண்டனை

ஜாவா:
கடும் எதிர்ப்பினையும் மீறி இந்தோனேஷியாவில் போதை மருந்து கடத்தல் வழக்கில் குற்றம் சாட்டப்பட்ட இந்தியர் உள்பட 14 பேருக்கு ஒரே நேரத்தில் கொடூர மரணதண்டனை வழங்கப்பட்டது. இதற்கு பல்வேறு அமைப்புகள் இந்தோனேஷியாவிற்கு கண்டனம் தெரிவித்துள்ளன..
-
இந்தோனேஷியாவில் கடந்த 2005-ம் ஆண்டு போதை மருந்து கடத்தல் தடுப்பு போலீசார் நடத்திய ரெய்டில் 14 பேர் கைதாகினர். இவர்களில் 4 பேர் இந்தோனேஷியர், 5 பேர் நைஜிரீயர்கள் ,2 பேர் ஜிம்பாப்வே நாட்டவர், மற்றும் தென்னாப்பிரிக்கா, இந்தியா, பாகிஸ்தான் நாட்டினர் என மொத்தம் 14 பேர் மீது வழக்கு தொடரப்பட்டு அவர்களுக்கு மரண தண்டனை உறுதி செய்யப்பட்டது.
-
இவர்களுக்கு திட்டமிட்டபடி இன்று தெற்கு ஜாவாவில் உள்ள சிலாகேப் தீவில் உள்ள நெளசாம்கம்பான்கான் சிறையில் மரண் தண்டனை நிறைவேற்ற சிறை அதிகாரிகள் ஏற்பாடு செய்து வந்தனர். அந்நாட்டு சட்டப்படி போதை மருந்து கடத்தல் வழக்கில் கைதானவர்கள், சிறையில் வைத்து துப்பாக்கியால் தலையில் சுட்டு கொடூர மரண தண்டனை நிறைவேற்றப்படும்.
-
இதன்படி சிறையில் 14 பேருக்கும் துப்பாக்கியால் சுட்டு கொடூர மரண தண்டனை நிறைவேற்ற ஏற்பாடுகள் செய்யப்பட்டன. இந்த கொடூர தண்டனை நிறுத்தும்படி ஐ.நா. மனித உரிமை அமைப்பு, ஐரோப்பியன் யூனியன், சர்வதேச பொதுமன்னிப்பு உள்ளிட்ட அமைப்புகள் இந்தோனேஷியா அரசுக்கு வலியுறுத்தின. இதனை அந்நாட்டு அதிபர் ஜோகோ விடோடோ ஏற்கமறுத்துவிட்டார் எல்லாம் சட்டப்படியே நடக்கும் என கைவிரித்துவிட்டார்.மேலும் பாகிஸ்தான், ஜிம்பாப்வே நாட்டு தூதர்கள் தண்டனையை நிறுத்த எடுத்த கடைசி முயற்சிகள் தோல்வியடைந்ததால் மரண தண்டனை உறுதி என தகவல்கள் தெரிவிக்கின்றன.
-
இதையடுத்து அந்நாட்டு நேரப்படி அதிகாலையில் தணடனை நிறைவேற்றப்பட்டதாக சமூக வலைதளங்களில் செய்திகள் வெளியாகியுள்ளன. இதனை அந்நாட்டு அட்டர்னி ஜெனரல் முகமது பராஸ்டி உறுதி செய்தார்.

இந்தியர் யார்?
-
மரண தண்டனை நிறைவேற்றப்பட உள்ள 14 பேர்களில் இந்தியாவின் பஞ்சாப் மாநிலத்தைச் சேர்ர்ந்த குர்தீப்சிங், 43 என தகவல்கள் தெரிவிக்கின்றன. அதே போன்று பாகிஸ்தானைச் சேர்ந்த ஜூல்பிகர் அலி,49 என்பவர் எனவும் தெரிகிறது. இதில் பாகிஸ்தான் அரசு சார்பிலும் தண்டனையை நிறுத்த வேண்டும் என இந்தோனோஷியா அரசுக்கு கோரிக்கை விடப்பட்டதாகவும் கூறப்படுகிறது.
-
3 ஆண்டில் 22 பேர்
-
கடந்த 2015-ம் ஆண்டில் இதே போன்று போதை மருந்து கடத்தல் வழக்கில் இந்தியர் , ஆஸ்திரேலி நாட்டவர் உள்பட 6 பேருக்கு இதே சிறையில் மரண்தண்டனை நிறைவேற்றப்பட்டது. குறிப்பிடத்தக்கது.
-
முன்னதாக 14 பேரின் உறவினர்களும் சிறைக்கு வரவழைக்கப்பட்டுள்ளனர். தண்டனை நிறைவேற்றப்பட்ட பின்னர் .மருத்துவ பரிசோதனைக்கு பின்னர் உடல்கள் அவர்களிடம் ஒப்படைக்கப்பட உள்ளது. இதற்காக ஆம்புலன்ஸ்கள் சிறையில் நிறுத்தப்பட்டுள்ளன.
-
இது போன்ற கொடூர தண்டனைக்கு எதிராக இந்தோனேஷியாவில் சமூக ஆர்வலர்கள் உள்ளிட்டோர் அதிபர் ஜோகோ விடோடோவை கண்டித்து ஆர்ப்பாட்டம் நடத்தினர். சிலர் மெழுகு வர்த்தி ஏந்தி அதிபருக்கு தங்களது கண்டனத்தை தெரிவித்தனர்.

-
தினமலர்