தென் மாவட்டங்களுக்குச் செல்லும் விரைவு ரயில்களின் வேகம் அதிகரிக்கப்படும்: வசிஷ்டா ஜோரி

தென் மாவட்டங்களுக்குச் செல்லும் விரைவு ரயில்களின்
வேகம் அதிகரிக்கப்படும் என்று தெற்கு ரயில்வே
பொது மேலாளர் வசிஷ்டா ஜோரி தெரிவித்தார்.

சென்னையில் வெள்ளிக்கிழமை நடைபெற்ற செய்தியாளர்கள்
சந்திப்பில் அவர் கூறியதாவது:

2016-2017-ஆம் ஆண்டுக்கான புதிய ரயில்வே கால அட்டவணை
வெளியிடப்பட உள்ளது. அதில், தென் மாவட்டங்களுக்குச்
செல்லும் சில முக்கிய விரைவு ரயில்களின் வேகம்
அதிகரிக்கப்பட உள்ளது.

சென்னை பறக்கும் ரயில் (எம்.ஆர்.டி.எஸ்.) நிலையங்களைப்
பராமரிக்கும் பொறுப்புகள் சென்னை மெட்ரோ ரயில்
நிறுவனத்திடம் ஒப்படைக்கும் திட்டம் குறித்து மாநில அரசிடம்
பேச்சுவார்த்தை நடத்திய பிறகு முடிவு மேற்கொள்ளப்படும்.

தாம்பரத்தில் ரயில் முனையம் அமைக்கும் திட்டத்தின் முதல்
கட்டப் பணிகள் அடுத்த மாதம் நிறைவடையும்.
கடந்த ஆண்டு ஏற்பட்ட மழை வெள்ளப் பாதிப்பின் காரணமாக
முனையப் பணிகள் தாமதமடைந்தன.

மத்திய அரசின் நிதி மூலம் ரூ. 67.94 கோடியில் 136 ரயில்
நிலையங்களில் சிசிடிவி கேமராக்கள் இந்த ஆண்டு டிசம்பரில்
பொருத்தப்படும் என்றார் வசிஷ்டா ஜோரி.
–
————————————
தினமணி