திருநங்கையர் வழக்கு; ஐகோர்ட் கேள்வி

புதுடில்லி:
‘திருநங்கையரின் ஆண் பெயர்களை, பெண் பெயர்களாக
மாற்றுவதில் அரசுக்கு என்ன சிரமம்’ என, மத்திய அரசுக்கு,
டில்லி ஐகோர்ட் கேள்வி எழுப்பியுள்ளது.
டில்லியை சேர்ந்த இரு திருநங்கையர், தங்கள் பெயர்களை
பெண் பெயர்களாக மாற்ற, அதிகாரிகள் மறுப்பு
தெரிவிப்பதாகவும், தங்களிடம் பாகுபாடு காட்டும் அரசு
அதிகாரிகளுக்கு எதிராக நடவடிக்கை எடுக்கும்படியும்
வலியுறுத்தி, ஐகோர்ட்டில் மனு தாக்கல் செய்தனர்.

இந்த வழக்கை விசாரித்த, நீதிபதி சஞ்சீவ் சச்தேவா,
”திருநங்கையரின் பெயர்களை மாற்றம் செய்வதில் அரசுக்கு
என்ன சிரமம்? பெயர் மாற்றம் தொடர்பாக, இதற்கு முன்,
அரசிதழில் எதுவும் வெளியாகவில்லையா,” என, கேள்வி எ
ழுப்பினார்.

மத்திய அரசு சார்பாக ஆஜரான வழக்கறிஞர் மோனிகா அரோரா,
”மனுதாரர்கள் கூறியுள்ள விஷயங்கள் தொடர்பாக, ஆகஸ்ட் 2ல்,
பார்லி.,யில் மசோதா அறிமுகம் செய்யப்பட்டுள்ளது,” என்றார்.
இதையடுத்து, இந்த வழக்கு, அக்டோபர், 4க்கு தள்ளி வைக்கப்பட்டது
–
தினமலர்