பராமரிப்பு பணிக்காக பழனி ரோப்கார் நாளைமுதல் ஒரு மாதம் நிறுத்தம்

[img][/img]
-
பழனி மலைக்கோயில் ரோப் கார் வருடாந்திர
பராமரிப்பு பணிக்காக புதன்கிழமை (அக். 5) முதல்
ஒரு மாதத்துக்கு நிறுத்தப்படவுள்ளது.

இது குறித்து திங்கள்கிழமை பழனிக்கோயில்
நிர்வாகம் சார்பில் வெளியிடப்பட்ட செய்திக்குறிப்பு:

தமிழகத்தின் முதன்மைக் கோயிலான பழனியில்
இயக்கப்படும் ரோப்கார் பராமரிப்புப் பணிக்காக
நாள் ஒன்றுக்கு ஒரு மணி நேரமும், மாதம் ஒன்றுக்கு
ஒரு நாளும் நிறுத்தப்பட்டு வருகிறது.

இந்நிலையில் வருடாந்திர பராமரிப்புப் பணிக்காக
அக்.5 முதல் ஒரு மாதத்துக்கு ரோப் கார்
நிறுத்தப்படவுள்ளது. இந்த நாள்களில் மலைக்கோயில்
மேல்தளத்திலுள்ள ரோப்கார் நிலையம், கீழ்த்தளம்
ஆகியவற்றில் மராமத்துப் பணிகளும், எலக்ட்ரிக்கல்,
ஜெனரேட்டர் பணிகளும், ரோப்கார் பெட்டிகள்
சீரமைத்து பொலிவு செய்தல் பணிகளும் மேற்கொள்ளப்
படவுள்ளன.

தவிர பேரிங்குகள், சக்கரங்கள், கோபுரங்களிலும்
பராமரிப்புப் பணிகள் நடைபெறும். ஆகவே, வயதானவர்கள்
மற்றும் குழந்தைகளுடன் வருவோர் வின்ச் பாதையையும்,
யானைப் பாதையையும் பயன்படுத்திக் கொள்ள வேண்டும்
என அதில் தெரிவிக்கப்பட்டுள்ளது.
–
——————————-
தினமணி