ஆசிய ஹாக்கி: இந்திய அணி சாம்பியன்; வீழ்ந்தது பாக்.,

[img][/img]
-

-
குவான்டன்:
ஆசிய சாம்பியன்ஸ் டிராபி ஹாக்கியில் அசத்திய
இந்திய அணி கோப்பை வென்றது. இன்று நடந்த
விறுவிறுப்பான பைனல் போட்டியில் பாகிஸ்தானை
3-2 என்ற கோல் கணக்கில் வீழ்த்தியது.

மலேசியாவில் உள்ள குவான்டன் நகரில், ஆண்களுக்கான
4வது ஆசிய சாம்பியன்ஸ் டிராபி ஹாக்கி தொடர் நடந்தது.
இதன் பைனலில், இந்திய அணி, ‘நடப்பு சாம்பியன்’
அந்தஸ்துடன் களமிறங்கிய பாகிஸ்தான் அணியை எதிர்
கொண்டது.

போட்டியின் 18வது நிமிடத்தில் இந்தியாவுக்கு ‘பெனால்டி
கார்னர்’ வாய்ப்பு கிடைத்தது. துடிப்பாக செயல்பட்ட
ருபிந்தர் பால் சிங் இதை கோலாக மாற்றினார். தொடர்ந்து
அசத்திய இந்திய அணிக்கு யூசுப் அபான் (23வது நிமிடம்)
கோல் அடித்து அசத்தினார்.

இதற்கு, எதிரணி சார்பில் முகமது அலீம் (26வது நிமிடம்),
அலி ஷான் (38) பதிலடி தர, சமநிலையை எட்டியது.
இந்த நிலையில், திம்மையா (51) கோல் அடித்து அசத்த,
இந்திய ரசிகர்கள் உற்சாகம் அடைந்தனர்.
இதற்கு, எதிரணியால் பதிலடி தர முடியவில்லை.
-
முடிவில், இந்திய அணி 3-2 என்ற கோல் கணக்கில் வெற்றி
பெற்றது.
-
இதன் மூலம், ஆசிய சாம்பியன்ஸ் டிராபி ஹாக்கியில்
இந்திய அணி இரண்டாவது முறையாக (2011, 2016) கோப்பை
வென்றது

.தினமலர்