சர்வதேச அளவில் சிறந்த பல்கலை: கோரக்பூர் ஐஐடிக்கு இடம்

-
கோல்கட்டா: சர்வதேச அளவில் கல்வி நிறுவனம் குறித்த
கருத்துக்கணிப்பில், 100 இடங்களுக்குள் கோரக்பூர் ஐஐடி
இடம்பெற்றுள்ளது. வேலைவாய்ப்பு அடிப்படையில் இந்த
கருத்துக்கணிப்பு நடத்தப்பட்டது.

100 இடம்:

கோரக்பூர் ஐஐடி 71- 80 இடத்திற்குள் உள்ளது. இதன் பின்னர்
மும்பை ஐஐடியும் முதல் 100 இடத்திற்குள் உள்ளது. வேறு எந்த
கல்வி நிறுவனங்களும் 100 இடத்திற்குள் வரவில்லை.

சென்னை ஐஐடி, டில்லி ஐஐடி டில்லி பல்கலை ஆகியவை
200 இடத்திற்குள் தான் வருகின்றன. வருடந்தோறும்,
2500 மாணவர்கள், கோரக்பூர் ஐஐடியில் பட்டம் பெறுகின்றனர்.
இவர்களில் ஏராளமான மாணவர்கள் கேம்பஸ் இண்டர்வியூவில்
பணிவாய்ப்பு பெறுகின்றனர்.

சர்வதேச அளவில் ஸ்டான்போர்டு பல்கலை, மசாசுசெட்ஸ்
தொழில்நுட்ப பல்கலை மற்றும் சீனாவில் உள்ள ஷின்ஹவா
பல்கலை முதல் மூன்று இடத்தில் உள்ளது. ஜார்ஜ்டவுன்
பல்கலை, லன்சாஸ்டர் பல்கலை., பென்சில்வேனியா ஸ்டேட்
பல்கலை, குயின்ஸ்லாந்து தொழில்நுட்ப பல்கலை,
இலினாய்ஸ் பல்கலை, சிகாகோ மற்றும் லிவர்பூல் பல்கலை
ஆகியவையும் முதல் 100 இடத்திற்குள் இடம்பிடித்துள்ளன.
இவ்வாறு அந்த பத்திரிக்கை செய்தி வெளியிட்டுள்ளது.
-
--------------------------------------------