அஞ்சலகங்களில் ரூ.32,631 கோடி டெபாசிட்!

அஞ்சலகங்களில் ரூ.32,631 கோடி டெபாசிட்
செய்யப்பட்டுள்ளது. 500 மற்றும் 1,000 ரூபாய் நோட்டுகளை
அஞ்சல் நிலையங்களிலும் மாற்றிக்கொள்ளலாம் என
அறிவிக்கப்பட்டது.

அதன்படி, கடந்த 24-ஆம் தேதி வரை அஞ்சல் நிலையங்களிலும்
ரூபாய் நோட்டுகள் மாற்றப்பட்டது.
இதையடுத்து நாடு முழுவதும் 1.55 லட்சம் அஞ்சலகங்களில்
ரூ. 32,631 கோடி டெபாசிட் செய்யப்பட்டுள்ளதாக தகவல்கள்
வெளியாகியுள்ளன.

இவற்றில் 1.30 லட்சம் அஞ்சலகங்கள் கிராமப்புறங்கள் மற்றும்
25 ஆயிரம் அஞ்சலகங்கள் நகர்ப்புறங்கள் ஆகும். அதே போல்
கடந்த 10-ஆம் தேதி முதல், 24-ஆம் தேதி வரை அஞ்சலகங்களில்
ரூ. 3,680 கோடி மதிப்பில் பழைய ரூபாய் நோட்டுகள் மாற்றப்
பட்டுள்ளன.
மேலும், இந்த காலக்கட்டத்தில் ரூ.3,583 கோடி அஞ்சலகங்களில்
இருந்து எடுக்கப்பட்டுள்ளன.
-
----------------------------------------
-விகடன்