சொந்த வங்கிக் கணக்கில் ரூ.25 லட்சம் டெபாசிட்: வங்கி ஊழியர் பணி இடை நீக்கம்

திரிபுரா மாநிலத்தில் முறைகேடனா வழியில் ரூ.25 லட்சத்தை டெபாசிட் செய்த வங்கி ஊழியர் பணி இடை நீக்கம் செய்யப்பட்டார்.

திரிபுராவில், சிப்பாஹிஜலா மாவட்டத்தில் உள்ள மேலகரில் யூகோ வங்கி இயங்கி வருகிறது. இந்த வங்கி கிளையின் தலைமை காசாளராக திலீப் தேவ்வர்மா என்பவர் பணியாற்றி வந்தார். இந்நிலையில் தேவ்வர்மா தனது சொந்த வங்கிக் கணக்கில் முறைகேடான முறையில் ரூ.25 லட்சத்தை டெபாசிட் செய்துள்ளார். இதை கண்டுபிடித்த வங்கி நிர்வாகம் அவரை பணி இடை நீக்கம் செய்தது.

இது குறித்து யூகோ வங்கியின் மண்டல மேலாளர் எஸ்.கே.தாஸ் கூறும்போது, ‘‘அந்த கிளையின் தலைமை காசாளரான திலீப் சொந்த வங்கிக் கணக்கில் ரூ.25,44,500 டெபாசிட் செய்துள்ளார். அனைத்தும் பண மதிப்பு நீக்கம் செய்யப்பட்ட நோட்டுகள். இந்த விவகாரத்தை லஞ்ச ஒழிப்புத் துறையினர் விரிவாக விசாரித்து வருகின்றனர்’’ என்றார்.


-
தி இந்து