3,681 கிலோ தங்கம் வங்கிகளில் முதலீடு

-
திருமலை-திருப்பதி தேவஸ்தானம் 3,681 கிலோ தங்கத்தை வங்கிகளில் முதலீடு செய்துள்ளது.

கடந்த ஆண்டு மார்ச் மாதம் 970 கிலோ தங்கத்தை, மத்திய அரசின் தங்க முதலீட்டுத் திட்டத்தின் கீழ் ஓராண்டு காலத்துக்கு 1.25 சதவீத வட்டிக்கு பாரத ஸ்டேட் வங்கியில் திருப்பதி தேவஸ்தானம் முதலீடு செய்தது.

தற்போது அந்த முதலீட்டு காலம் முடிவடைந்ததால், அதனை சனிக்கிழமை மீண்டும் 3 ஆண்டுகளுக்கு தேவஸ்தானம் நீட்டித்துள்ளது.

மேலும், தற்போது உண்டியலில் காணிக்கையாகக் கிடைத்த 1,400 கிலோ தங்கத்தை இந்தியன் ஓவர்சீஸ் வங்கியில் 1.25 சதவீதம் வட்டிக்கு தேவஸ்தானம் முதலீடு செய்துள்ளது. அதேபோல், பஞ்சாப் நேஷனல் வங்கியில் 1,311 கிலோ தங்கத்தை 1.75 சதவீத வட்டிக்கு 3 ஆண்டு காலத்துக்கு
முதலீடு செய்துள்ளது.

இதன்மூலம், திருப்பதி தேவஸ்தானம் 3,681 கிலோ தங்கத்தை வங்கிகளில் முதலீடு செய்துள்ளது குறிப்பிடத்தக்கது.

சுத்தமான தங்கத்துக்கு பஞ்சாப் நேஷனல் வங்கி அளிக்கும் வட்டி அனைத்திலும் அதிகம் என அதிகாரிகள் தெரிவித்தனர்.
-
தினமலர்