கர்நாடகாவில் பணிபுரியும் அரசு அதிகாரிகள் அனைவரும் கன்னட மொழி கற்றுக்கொள்ள வேண்டும்: சித்தராமைய்யா

பெங்களூரு:
கர்நாடகாவில் பணிபுரியும் கன்னடம் தெரியாத
ஐ.ஏ.எஸ் அதிகாரிகள் மற்றும் அரசு அதிகாரிகள் அனைவரும்
கன்னட மொழியை கற்றுக்கொள்ள வேண்டும் என்று
சித்தராமைய்யா உத்தரவு பிறப்பித்துள்ளார்.

கர்நாடகாவில் பணிபுரியும் மூத்த ஐ.ஏ.எஸ். அதிகாரி ஒருவர்,
தனக்கு கீழ் பணிபுரியும் அதிகாரியிடம் ஆங்கிலத்தில் மட்டுமே
கடிதங்கள் பரிமாற்றம் இருக்க வேண்டும் என்று உத்தரவிட்ட
நிகழ்வு பெரும் சர்ச்சையை ஏற்படுத்தியிருந்தது.

இதுபற்றி பெங்களூருவில் செய்தியாளர்களிடம் பேசிய
சித்தராமைய்யா, அந்த மூத்த ஐ.ஏ.எஸ் அதிகாரி அவ்வாறு
செயல்பட்டது தவறு என தெரிவித்தார்.

இதுபற்றி ஆராய்ந்து தகுந்த நடவடிக்கை எடுக்கப்படும்
என்றும் சித்தராமைய்யா குறிப்பிட்டார். இதனை உறுதிப்
படுத்துவதற்கான நடவடிக்கைகள் மேற்கொள்ளப்படும்
என கூறினார்.

இதனிடையே, அந்த மூத்த ஐ.ஏ.எஸ். அதிகாரிக்கு, கன்னட
மொழி வளர்ச்சி ஆணையம் விளக்கம் கேட்டு நோட்டீஸ்
அனுப்பியுள்ளது.
-
-----------------------------------------
தினகரன்