காஷ்மீரில் அமைக்கப்பட்டுள்ள நாட்டின் மிக நீளமான சுரங்கப்பாதை விரைவில் திறப்பு: பிரதமர் தொடங்கி வைக்க

செனானி :
காஷ்மீரில் ஜம்மு-ஸ்ரீநகர் இடையே 1200 மீட்டர் உயரத்தில்
9.2 கி.மீ நீளத்துக்கு அமைக்கப்பட்டுள்ள இரட்டை சுரங்கப் பாதை
பணிகள் முடிவடைந்து விட்டதால், அது போக்குவரத்துக்காக
விரைவில் திறக்கப்படவுள்ளது.

இதை பிரதமர் மோடி தொடங்கி வைக்கிறார். காஷ்மீரில்
ஜம்மு-ஸ்ரீநகர் தேசிய நெடுஞ்சாலையில் 286 கி.மீ தூரத்துக்கு
நான்கு வழிப்பாதை ரூ.3720 கோடி மதிப்பில் அமைக்கப்
பட்டுள்ளது.

இதில் 9.2 கி.மீ நீளத்துக்கு மலையை குடைந்து இரட்டை
சுரங்கப்பாதை அமைக்கும் பணி கடந்த 2011ம் ஆண்டு
மே மாதம் 23ம் தேதி தொடங்கியது.

இந்தப் பணி தற்போது நிறைவடைந்து சோதனை ஓட்டமும்
வெற்றிகரமாக மேற்கொள்ளப்பட்டுள்ளது. இந்த சுரங்கச்
சாலையில் சர்வதேச தரத்துக்கு இணையான வசதிகள்
செய்யப்பட்டுள்ளன.

இதுகுறித்து இந்த சாலை அமைத்த ஐஎல் மற்றும் எப்எஸ்
நிறுவனத்தின் இயக்குனர் ரத்தோர் கூறுகையில்,
‘‘இந்த சுரங்கச்சாலையை கண்காணிக்க கம்ப்யூட்டர்
மயமாக்கப்பட்ட கட்டுப்பாட்டு அறை உள்ளது. அவசர காலத்தில்
கட்டுபாட்டு அறையுடன் தொடர்பு கொள்ளவும் நவீன வசதிகள்
செய்யப்பட்டுள்ளன.

ஹைடெக் தீயணைப்பு வசதிகளும் செய்யப்பட்டுள்ளன.
பிஎஸ்என்எல், ஏர்டெல், ஐடியா போன்ற மொபைல் போன்
நெட்வொர்க், எப்.எம் ரேடியோ சேனல் போன்ற வசதிகளும்
சுரங்கச் சாலைக்குள் செய்யப்பட்டுள்ளன’’ என்றார்.
-
-----------------------------------------
தினகரன்