உடலில் தீ வைத்து பின்னர் மாடியில் இருந்து குதித்து ஐ.ஐ.டி மாணவன் தற்கொலை

--
தேர்வு சரியாக எழுதாத காரணத்தால் வாரணாசி ஐ.ஐ.டி
மாணவன் தன்னுடைய உடலில் தீ வைத்து பின்னர்
விடுதியின் மூன்றாவது மாடியில் இருந்து குதித்து தற்கொலை
செய்துகொண்டுள்ளார்.

உத்தரப்பிரதேசம் மாநிலம் வாரணாசியில் உள்ள இந்து பணாரஸ்
பல்கலைக்கழக வளாகத்தில் மத்திய தொழில் நுட்ப கல்வி
நிறுவனம் செயல்பட்டு வருகின்றது. இங்கு ஆந்திர மாநிலம்
நெல்லூரைச் சேர்ந்த தாரா பிம் ராஜு என்ற மாணவன் இரண்டாம்
ஆண்டு பொறியியல் படித்து வந்துள்ளார்.

கடந்த செமஸ்டர் தேர்வுகளை சரியாக எழுதாத மன
உளைச்சலில் இருந்த பிம் ராஜு நேற்றிரவு தன்னுடைய
உடலில் தீ வைத்துக்கொண்டு விடுதியின் மூன்றாவது
மாடியில் இருந்து குதித்து தற்கொலை செய்து கொண்டார்.

உடனே அருகிலுள்ள மருத்துவமனைக்கு கொண்டு சென்ற
அவர் சிகிச்சை பலனின்றி உயிரிழந்தார்.

பிம் ராஜுவின் தற்கொலை குறித்து வழக்குப்பதிவு செய்துள்ள
போலீசார், அவரது குடும்பத்தினருக்கு தகவலளித்துள்ளனர்.

அவர் தங்கியிருந்த அறையில் சோதனையிட்ட போலீசார்
தற்கொலை குறிப்புகள் எதையும் கண்டெடுக்கவில்லை என
தெரிவித்தனர்.
-
-----------------------------------
மாலமலர்