அமித்ஷாவின் தமிழக வருகை தள்ளிவைப்பு

பாஜக தலைவர் அமித்ஷா வின் தமிழக வருகை தள்ளி வைக்கப்பட்டுள்ளது.

பாஜக தேசியத் தலைவர் அமித்ஷா நாடு முழுவதும்
95 நாள் சுற்றுப்பயணத்தை தொடங்கியுள்ளார்.

அதன் ஒரு பகுதியாக, சென்னைக்கு மே 10, 11 தேதிகளிலும்,
கோவைக்கு 12-ம் தேதியும் அவர் வருவதாக இருந்தது.

இந்நிலையில், அவரது தமிழக வருகை திடீரென தள்ளி
வைக்கப்பட்டுள்ளது. இதுதொடர் பாக ‘தி இந்து’விடம்
தமிழக பாஜக தலைவர் தமிழிசை சவுந்தரராஜன் கூறியபோது,

‘‘பாஜக தேசியத் தலைவர் அமித்ஷாவின் சென்னை,
கோவை வருகை தவிர்க்க முடியாத காரணங்களால்
தள்ளிவைக் கப்பட்டுள்ளது. வேறொரு நாளில் அவர்
திட்டமிட்ட நிகழ்ச்சிகளில் பங்கேற்பார்.
அதற்கான தேதி விரைவில் அறிவிக்கப்படும்’’ என்றார்.

குடியரசுத் தலைவர் தேர்தலில் பொது வேட்பாளரை நிறுத்த
காங்கிரஸ் தலைவர் சோனியா காந்தி தீவிர முயற்சியில்
ஈடுபட்டுள்ளார். இதுதொடர்பாக பாஜகவை எதிர்க்கும்
கட்சித் தலைவர்களுடன் டெல்லியில் 10-ம் தேதி அவர்
ஆலோசனை நடத்தவுள்ளார்.

இந்நிலையில், குடியரசுத் தலைவர் தேர்தலில் கூட்டணிக்
கட்சி அல்லாத கட்சிகளின் ஆதரவைத் திரட்டுவது,
வேட்பாளர் தேர்வு தொடர்பான பணிகளில் கவனம் செலுத்த
வேண்டியிருப்பதால் தமிழக பயணத்தை அமித்ஷா
தள்ளிவைத்திருப்பதாக பாஜக வட்டாரங்கள் தெரிவித்தன.
-
---------------------------
தி இந்து