இறைச்சிக்காக 75 நாய்கள் கடத்த முயற்சி: 4 பேர் கைது

திமாபூர்:
அசாமில் இறைச்சிக்காக நாய்களை கடத்திய 4 பேரை
போலீசார் கைது செய்தனர். வடகிழக்கு மாநிலங்களான
நாகாலாந்து, மிசோரம் ஆகிய மாநிலங்களில்
இறைச்சிக்காக நாய்கள் பெருமளவு பயன்படுத்தப்படுகிறது.

நாளை (07-05-17)ஞாயிற்றுக்கிழமை என்பதால் நாய் இறைச்சி
அமோகமாக விற்பனையாகும் என கூறப்படுகிறது.

இந்நிலையில் அசாமில் சமகவுரி பகுதியில் ஒரு வேனில்
ஏராளமான நாய்கள் கடத்தப்படுவதாக போலீசாருக்கு
தகவல் கிடைத்தது. சம்பவ இடம் சென்று போலீசார் வேனை
வழிமறித்து சோதனை நடத்தியதில் 75 நாயகள் இருந்தன.

இவற்றில் 22 நாய்கள் இறந்த நிலையில் இருந்தன.
நாய்களை கடத்திய 4 பேரை போலீசார் கைது செய்து,
நாய்களை மீட்டனர். போலீசார் தெரிவிக்கையில்
இது போன்று நாய்களை கடத்தி நாகாலாந்து, மிசோரம்
மாநிலங்களில் விற்றால் நாய் ஒன்றுக்கு ரூ. 500 கிடைக்கும்

எனவும், அவற்றை இறைச்சியாக கிலோ ஒன்றுக்கு
ரூ.300 வரை விற்கப்படுகிறது என்றனர்.
-
--------------------------------
தினமலர்