அமெரிக்காவில் துப்பாக்கி சூடு 8 பேர் பரிதாப பலி

-

புரூக்ஹெவன்:
அமெரிக்காவில் மிசிசிபி மாகாணத்தில் நடந்த துப்பாக்கி
சூட்டில் நகர துணை தலைவர் உள்பட 8 பேர் கொல்லப்பட்டனர்.

சந்தேகக்குரிய குற்றவாளியை போலீசார் கைது செய்தனர்.
அமெரிக்காவின் மிசிசிபி மாகாணம் லின்கான் பகுதியில்
உள்ள கிராமத்தில் தனது குழந்தைகளை பார்ப்பதற்காக
கோரி காட்போல்ட் (35 வயது) வந்துள்ளார்.

அப்போது அவருக்கும், அவரது மனைவிக்கும் வாக்குவாதம்
ஏற்பட்டதாக தெரிகிறது.\ இதனையடுத்து பக்கத்து வீட்டுக்காரர்கள்
போலீசாருக்கு தகவல் கொடுத்தனர்.

இது குறித்து தகவல் அறிந்த நகர துணை தலைவர் அங்கு வந்து
நிலவரத்தை சரி செய்ய முயன்றுள்ளார். ஆனால், கோரி காட்போல்ட்
கோபத்தில் அங்கிருந்தவர்களை துப்பாக்கியால் சுட்டுள்ளார்.

இதில், நகர துணை தலைவர் உள்பட 8 பேர் கொல்லப்பட்டனர்.
இது குறித்து தகவல் அறிந்த காவல் துறையினர்
கோரி காட்போல்ட்டை கைது செய்தனர்.
-
-----------------------------
தினகரன்