கொலம்பியாவில் விமான விபத்து: பிரேஸில் கால்பந்து வீரர்கள் உள்பட 76 பேர் சாவு

[img][/img]
-
பொருள் மயக்கம்
-
எனது மனக்கிளையில்
பறவை உட்காரும் போத்
மரமாகி விடுகிறேன் நான்
-
எனது மனவறையின்
பூட்டுத் திறக்கிற போது
வெற்றிடமாகி விடுகிறேன் நான்
-
எனது மனச்சிறகு
மெல்ல விரியும்போது
வானமாகி விடுகிறேன் நான்
-
பிரேஸில் நாட்டு கால்பந்து வீரர்களுடன் சென்ற தனி விமானம்,
கொலம்பியாவில் மலை மீது மோதி விபத்துக்குள்ளானதில்
கால்பந்து வீரர்கள் உள்பட 76 பேர் உயிரிழந்தனர்.

இந்தச் சம்பவம், கால்பந்து ரசிகர்களிடையே அதிர்ச்சியை
ஏற்படுத்தியுள்ளது. கொலம்பியாவில் நடைபெறுவதாக இருந்த
கால்பந்து இறுதிப்போட்டியில் பங்கேற்பதற்காக பிரேஸில்
வீரர்கள் சென்றபோது இந்த விபத்து நிகழ்ந்துள்ளது.

இதுதொடர்பாக, காவல் அதிகாரி ஒருவர் செவ்வாய்க்கிழமை
கூறியதாவது:

"கோபா சுடமெரிக்கானா' கால்பந்து தொடரின் இறுதிப் போட்டி,
கொலம்பியாவில் புதன்கிழமை நடைபெறுவதற்கு திட்டமிடப்
பட்டிருந்தது. இதில், கொலம்பிய அணியுடன் பிரேஸில் அணி
மோதுவதாக இருந்தது.

இந்தப் போட்டியில் பங்கேற்பதற்காக, பிரேஸில் அணி வீரர்கள்,
அந்நாட்டைச் சேர்ந்த "லேமியா ஏர்லைன்ஸ்' நிறுவனத்தின்
தனி விமானத்தில் சா பவுலோ நகரில் இருந்து திங்கள்கிழமை
மாலை புறப்பட்டனர்.

அந்த விமானத்தில் பிரேஸில் அணி வீரர்கள், 9 விமான ஊழியர்கள்
உள்பட 81 பயணிகள் வந்தனர். அந்த விமானம், பொலிவியாவில்
உள்ள சான்டா குரூஸ் நகரில் சிறிது நேரம் நின்றுவிட்டு, பிறகு
கொலம்பியாவில் உள்ள ரியோநீக்ரோ நோக்கி வந்தது.

பின்னர், இரவு 10 மணியளவில் (உள்ளூர் நேரப்படி) மின்கோளாறு
காரணமாக, அந்த விமானத்தை இயக்குவதில் சிரமம்
ஏற்பட்டுள்ளதாக, அந்த விமானத்தின் ஊழியர்கள் அறிவித்துள்ளனர்.

சிறிது நேரத்தில், அந்த விமானம், மெடிலின் நகர் அருகே உள்ள
மலையில் மோதி விபத்துக்குள்ளானது.
இதில், விமானத்தில் பயணம் செய்தவர்களில் 76 பேர் உயிரிழந்தனர்.
கால்பந்து வீரர்கள் 3 பேர், விமான ஊழியர் ஒருவர், பத்திரிகையாளர்
ஒருவர் என மொத்தம் 5 பேரை மட்டுமே உயிருடன் மீட்க முடிந்தது
என்றார் அவர்.

மீட்புக் குழுவினர் சுமார் அரை மணி நேரத்துக்கும் மேலாக
ஹெலிகாப்டரில் தேடியலைந்த பிறகே விமானம் நொறுங்கி விழுந்த
இடத்தை அவர்கள் கண்டுபிடிக்க முடிந்ததாகத் தகவல்கள்
தெரிவிக்கின்றன. இதனிடையே, மோசமான வானிலை நிலவியதால்
திங்கள்கிழமை இரவில் மீட்புப் பணிகளை நிறுத்தி வைக்கும் நிலை
ஏற்பட்டது.

செவ்வாய்க்கிழமை காலை 6 மணிக்குப் பிறகு மீட்புப் பணிகள்
மீண்டும் தொடங்கியது என்று விமான நிறுவனம் தெரிவித்துள்ளது.

இந்நிலையில், கோபா சுடமெரிக்கானா கால்பந்து இறுதிப் போட்டி
ரத்து செய்யப்பட்டதாக தென்னமெரிக்க கால்பந்து கூட்டமைப்பு
அறிவித்துள்ளது.
-
-------------------------------------------------

தினமணி

-

-
விபத்துக்குள்ளான விமானத்தில் பயணம் செய்த
பிரேஸில் அணி கால்பந்து வீரர்கள்
(கோப்பு படம்).