டெல்லியில் சரளமாக ஆங்கிலம் பேசிய இளைஞர் மீது கும்பல் தாக்குதல்

புதுடெல்லி,

டெல்லியில் 5-ஸ்டார் ஓட்டலுக்கு வெளியே நண்பரிடம் சரளமாக
ஆங்கிலத்தில் உரையாடிய 22 வயது வாலிபரை பிடித்து 5 பேர்கள்
கொண்ட கும்பல் தாக்கிஉள்ளது என போலீஸ் தெரிவித்து உள்ளது.

இளைஞர் மீது தாக்குதல் நடத்திய கும்பல் குடிபோதையில்
இருந்தது எனவும் தெரிவிக்கப்பட்டு உள்ளது.

சனிக்கிழமை காலையில் இந்த சம்பவம் நடந்து உள்ளது,
இவ்விவகாரம் தொடர்பாக மூன்று பேர் கைது செய்யப்பட்டு
உள்ளனர் எனவும் போலீஸ் தெரிவித்து உள்ளது.

நொய்டாவை சேர்ந்த வருண் கலாதி என்பவர் தன்னுடைய
நண்பரை 5 ஸ்டார் ஓட்டலில் விட்டுவிட்டு செல்ல காரில் வந்து
உள்ளார். ஓட்டலுக்கு பின்னால் நடந்த வருண் கலாதியை
(வயது 22) 5 பேர்கள் அடங்கிய கும்பல் சுற்றி வளைத்து உள்ளது.

ஆங்கில மொழியில் சரளமாக உரையாடியதற்காக அந்த கும்பல்
வருணை தாக்கிஉள்ளது. ஏன் ஆங்கில மொழியில் பேசுகிறாய்?
என கேள்வி எழுப்பி அந்த கும்பல் தாக்கிஉள்ளது என போலீஸ்
தெரிவித்து உள்ளது.

வருண் தன்னை தாக்கிவிட்டு சென்ற கும்பல் பயன்படுத்திய
காரின் எண்ணை மனதில் வைத்துக் கொண்டார். பின்னர்
போலீசில் புகார் கொடுத்து நடந்தவற்றை விளக்கினார்.
வழக்குப்பதிவு செய்த டெல்லி போலீஸ் விசாரணை நடத்தி குடிகார
கும்பலை சேர்ந்த மூவரை கைது செய்து உள்ளது. இன்னும் இருவரை
போலீஸ் தேடிவருகிறது.
-
---------------------------
தினத்தந்தி