ரஷியாவில் 30 பேரை கொன்று மனித மாமிசம் சாப்பிட்ட கணவன்-மனைவி கைது

ஷியாவின் கிராஸ்னோடார் கராய் பிராந்தியத்துக்கு உட்பட்ட
கிராஸ்னோடார் நகரில் உள்ள ஒரு வீதியில் கிடந்த
செல்போனை அந்த வழியாக சென்ற நபர் ஒருவர் கண்டெடுத்து
போலீசில் ஒப்படைத்தார்.

அதனை ஆய்வு செய்தபோது செல்போனில் இருந்த புகைப்
படங்களை பார்த்து போலீசார் அதிர்ச்சி அடைந்தனர்.
ஆண் ஒருவர் மனித உடல் உறுப்புகளை சாப்பிடுவது போன்ற
புகைப்படங்கள் அதில் இருந்தன.

போலீசார் அந்த செல்போனை முக்கிய ஆதாரமாக கொண்டு
விசாரணையை தொடங்கினர். இது தொடர்பாக
கிராஸ்னோடார் நகரை சேர்ந்த கணவன்-மனைவி
டிமிட்டிரி பக்‌ஷீவ், நட்டாலியா பக்‌ஷீவ் ஆகியோரை போலீசார்
கைது செய்தனர்.

போலீசாரிடம் அவர்கள் அளித்த வாக்கு மூலத்தில் திடுக்கிடும்
தகவல்கள் வெளியாகின. அதன் விவரம் வருமாறு:-

கைதான கணவன்-மனைவி இருவரும் தங்கள் வீட்டுக்கு
வருபவர்களுக்கு தூக்க மாத்திரைகளை கொடுத்து, மயக்க
நிலையில் ஆழ்த்தி உயிருடன் இருக்கும்போதே அவர்களது
உடல் உறுப்புகளை அறுத்து சாப்பிட்டு உள்ளனர்.

பின்னர் அவர்கள் இறந்த உடன் மீதமுள்ள உடல் உறுப்புகளை
அறுத்து, குளிர்பதன பெட்டியில் சேகரித்து வைத்து, சாப்பிட்டு
வந்து உள்ளனர். இப்படி அவர்கள் சுமார் 30 பேரை கொலை செய்து,
மனித மாமிசம் சாப்பிட்டு உள்ளனர்.

இது குறித்து போலீசார் தொடர்ந்து விசாரணை நடத்தி
வருகிறார்கள்.

தினத்தந்தி